Neengalum Samaikkalam -04

                                நீங்களும் சமைக்கலாம் பகுதி -04
                                   சமைத்துப் பழகலாம் வாங்க!
                                                    ---------------------------

மரியாதைக்குரியவர்களே,
   வணக்கம்.கொங்குத்தென்றல் வலைப்பக்கத்திற்கு தங்களை அன்புடன் வரவேற்கிறேன்.
உதாரணத்திற்காக... கிளிப் மாட்டும்  பட்டியல் தாள்

                                                  மேற்கண்டவாறு ஒரு தாளில் தேவையான பொருட்கள் பற்றிய விபரம் எழுதுங்க.அதில்  முன் தயாரிப்பு விபரம்,அரைத்து நசுக்குவதற்கான பொருட்கள் விபரம்,வறுத்துப் பொரித்தலுக்கான பொருட்கள் விபரம்,வதக்குதலுக்கான பொருட்கள் விபரம்,தாளிப்பதற்கான பொருட்கள் விபரம்,செய்முறை விபரம் என படிப்படியாக எழுதி சமைத்துப் பழகுங்க....

  (1)தாளில் பட்டியலிடுதல்...
        சமைத்து அனுபவமாகும்வரை  சமைக்கும் ஒவ்வொரு உணவுக்கும் தேவையான பொருட்களை கண்ணில்படும்படி ஒரு தாளில் தெளிவாக வரிசைப்படுத்தி எழுதி சமையலறையில் கிளிப் போட்டு தொங்கவிடுங்க!மறவாதீங்க..அடுப்பு பற்றவைப்பதிலிருந்து,தீ குறைவாகவா,சாதாரணமாகவா? அதிகமாகவா? என எரியவிடுதல்,கருகிவிடாமல் தாளித்தல்,பொன்னிறமாக வறுத்தல்,அடிப்பிடிக்காமல் வதக்குதல் உட்பட ஒவ்வொன்றாக வரிசைப்படி எழுதிக்கொள்ளுங்க!..(c.parameswaran Driver - 9585600733)

(2)என்ன சமைக்கலாம்? என்ற முடிவெடுத்தல்....
காலை,மதியம்,இரவு என எத்தனை வேளை உணவு?,
சிறியவர்& பெரியவர் என சாப்பிடுவோர் எண்ணிக்கை!,
 என்ற திட்டமிடுதல் தேவைங்க...

(3)தீர்மானித்த உணவு சமைக்கத் தேவையான மூலப்பொருட்களை தனியே எடுத்துக்கொள்ளுங்க.....அதாவது பொடிவகைகள்,தாளிப்பு பொருட்கள்,எண்ணெய் வகைகள்,காய்கறிகள்,மசாலாப்பொருட்கள்,என தேவையானவற்றை முதலிலேயே தனித்தனியாக அதற்கான அளவான கிண்ணங்களிலோ,தட்டுக்களிலோ எடுத்துவையுங்க...

(4)இனி முன்தயாரிப்பு வேலைகளைச் செய்துகொள்ளுங்க...
முன் தயாரிப்பு வேலைகளில் சில
தங்களது சிந்தனைக்காக....
                    அரிசியை அலசி களைதல், புளி ஊறவைத்தல், வெங்காயம் தோலுரித்து நறுக்குதல், மிளகாய் காம்பு கிள்ளி பொடிப்பொடியாக நறுக்குதல், பூண்டு தோலுரித்தல், தக்காளி நறுக்குதல், கறிவேப்பிலை நறுக்குதல்,  இஞ்சி& பூண்டு நசுக்கி விழுதாக்குதல்(PASTE), காய்கறிகளை நறுக்குதல், தேங்காய் துருவுதல், வறுத்துப் பொடிக்க வேண்டியபொருட்களை வறுத்துப்பொடித்தல், வதக்கி நசுக்கவேண்டிய பொருட்களை வதக்கி நசுக்கிவைத்தல், தாளிப்பதற்குத் தேவையான பொருட்களை சிறு,சிறு கிண்ணங்களில் எடுத்துவைத்தல். உப்பு, மிளகாய்த்தூள் போன்ற பொடிவகைகளை தனியாக எடுத்து வைத்தல் போன்றவை....

அவ்வளவுதாங்க..அடிப்படை என்னும் புள்ளி போட்டாச்சு!...
(c.parameswaran Driver - 9585600733)
               கிளிப் மாட்டிய தாளில் உள்ளவாறு ,செய்முறை பற்றிய விபரங்களை பார்த்து,பார்த்து ,சமைத்தல் என்னும் கோலத்தினை விருப்பத்துடனே போட்டு அசத்துங்க....

   நீங்களும் சமைக்கலாம் இன்னும் தொடரும்........

என அன்புடன்,
செ.பரமேஸ்வரன்,
தொடர்பு எண் ; 9585600733
 சத்தியமங்கலம்.
ஈரோடு மாவட்டம்.