இணையதள வாசகப்பெருமக்களே,
கொங்குத்தென்றல் வலைப்பக்கத்திற்கு அன்புடன் வரவேற்கிறோம்.
இந்திய அரசியல் சாசன சட்டத்தில் குறிப்பிட்டுள்ள முக்கிய குறிக்கோள்களான , சமத்துவம், சமூகநீதி, பாகுபடுத்தாமை, இறையாண்மை, வாழ்க்கைக்கான உரிமை, தனிமனித சுதந்திரம் போன்ற அம்சங்களை நிறைவேற்றும் உரிமை அவசியமாகிறது.
ஆங்கிலேயர்களால் கொண்டுவரப்பட்ட அதிகாரப்பூர்வ ரகசிய பாதுகாப்புச்சட்டம் 1923 (Official Secrets Act,1923) இந்தியாவில் உளவு வேலைகளைத் தடுப்பதற்கும், நாட்டின் பாதுகாப்பு மற்றும் இறையாண்மை சார்ந்த ரகசியங்களைப் பாதுகாப்பதற்கும் கொண்டுவரப்பட்ட ஒரு முக்கியமான சட்டமாகும்.இச்சட்டத்தின் விதிமுறை அரசின் செயல்பாடுகளை மூடி மறைக்கிறது. இதனை மாற்றி அரசு நிர்வாகத்தில் வெளிப்படைத்தன்மையை கொண்டுவந்து மக்கள் பங்கேற்பினை உறுதிசெய்து மக்களின் தேவைக்காக அரசை செயல்பட வைக்கவேண்டும் என்பதற்காக தகவல் அறியும் உரிமைச் சட்டம் 2005 கொண்டு வரப்பட்டது.
இந்த RTI 2005 சட்டமானது இந்தியக்குடிமக்களுக்கு கிடைத்த இரண்டாவது சுதந்திரமாகும்.
இந்திய அரசியல் சாசன சட்டம் விதி 19(1) பகுதியின்கீழ் தகவல் என்பது மக்களின் அடிப்படைஉரிமையிகளின்படி உறுதி செய்யப்பட்டது.
தமிழக அரசின் பணியாளர் மற்றும் நிர்வாக சீர்திருத்தத் துறையின் உத்தரவு அரசாணை எண் 114 /20-08-2008 தேதியிட்டபடி இந்தியக்குடிமக்களாகிய நாம் எது பற்றி விண்ணப்பித்தாலும் 30 நாட்களுக்குள் விசாரணை செய்து மனுதாரராகிய நமக்கு உரிய தகவல் தரவேண்டும்.
இந்திய குடிமக்களுக்கு இவ்வளவு சட்டங்கள் சாதகமாக இருந்தாலும் சில அரசு அதிகாரிகள் சுயநலனுக்காக மக்களுக்கு விழிப்புணர்வுவரக்கூடாது?.
என்ற கேடான எண்ணத்தில் மனுதாரரை எந்தளவு சலிப்படையவைக்கமுடியுமோ,சீரழியவைக்கமுடியுமோ அந்தளவுக்கு தீவிரமாக எதிர்வினையாற்றுவார்கள். நாம் களத்தில் இறங்கிவிட்டால் சலிப்படையாமல் மனுக்களை அனுப்பிக்கொண்டே இருக்க வேண்டும்.
தகவல் அறியும் உரிமை இந்தியக்குடிமக்கள் அனைவருக்கும் உண்டு. அதேவேளை ஒழுக்கம் தவறாமல் கண்ணியமாக நடந்துகொள்ளவேண்டும்.
நமக்கு தகவல் தேவைப்படும் அரசு அலுவலகத்தின் பொது தகவல் அலுவலர் அவர்களுக்கு RTI2005 ன்கீழ் விண்ணப்பம் அனுப்புவதற்கும் சில விதிமுறைகள் உள்ளன. தவறாமல் பொறுப்புடன் கடைபிடிக்கவேண்டும்.
உன் பெயர் என்ன? பணிக்குச்சேர்ந்து எத்தனை வருடங்கள் ஆகின்றன?. உனது குடும்பத்தினர் எங்கு வசிக்கிறார்கள்?. ஏன்?,எப்படி?,முடியாதா,? எதற்காக செய்தாய்?, என்பதுபோன்ற அதிகாரத்தோரணையுடன் கேள்விகள் கேட்கக்கூடாது. மிரட்டுவதுபோன்று தகவல்கோருவதுகூடாது.
அரசு அலுவலகங்களில் பணிபுரிவோரும் சராசரி மனிதர்களே,பணியாற்றும் எல்லோரும் நம்முடைய உறவினர்களே என்பதை மனதில்கொள்ள வேண்டும்.
இயற்கையாக உருவான பழந்தமிழ்மொழியில்,தமிழ்மொழியில் சுமார் ஆறுஇலட்சம் சொற்களடங்கிய சொற்பெருக்கம்மிகுந்த செந்தமிழ்மொழியில் பண்பாடு காக்கும் சொற்கள் ஏராளமாக உள்ளன. எனவே கடுஞ்சொற்களைத் தவிர்த்து , நயமான வார்த்தைகளைக் கையாண்டு எளிமையான வரிகளில் கருத்துச்செறிவுடன் தெளிவானமுறையில் கேள்விகள்? என்பதை விட தகவல்களாகக் கேட்க வேண்டும்.
ஒரு மனுதாரர் கீழ்குறிப்பிட்ட தகவல்களைச் சார்ந்து நூற்றுக்கணக்கான மனுக்களை அனுப்பலாம். ஒரே மனுவில் நமக்குத்தேவைப்படும் எல்லா தகவல்களையும் கேட்கக்கூடாது. உதாரணமாக குடிநீர்,சாக்கடைவசதி,தெருவிளக்கு பராமரிப்பின்மை,சாலை பராமரிக்காமை, போக்குவரத்துக் குறைபாடு, நியாயவிலைக்கடைகளில் குறைபாடு என பலதேவைகள் இருந்தாலும்,
ஒரு தேவைக்கு ஒருமனு மட்டுமே அனுப்பவேண்டும். கோரப்படும் தகவல்களும் சுருக்கமான தெளிவில் கேட்கவேண்டும்.
தகவல் அறியும் உரிமை2005 மனுவினை கைப்பட எழுதியும் அனுப்பலாம்.தட்டச்சு செய்தும் அனுப்பலாம்.
முதல் மனுவிற்கு விண்ணப்பக்கட்டணமாக பல்வறே வழிமுறைகள் இருந்தாலும் நமக்கு எளிதானவழி மனுவில் ₹10/ பத்துரூபாய் மதிப்புள்ள நீதிமன்றக்கட்டணவில்லை (கோர்ட் பீஸ் ஸ்டாம்ப் ) ஒட்டலாம். எழுதிப்பட்ட விண்ணப்பதை பலமுறை வாசித்து (1)அனுப்புநர் முழு முகவரி மற்றும் கைப்பேசி எண், (2) பெறுநர் முழுமுகவரி, (3)தலைப்பு, (4)தேதி, (5)மனுதாரர்கையொப்பம் , (6)நீதிமன்றக்கட்டணவில்லை ஒட்டப்பட்டவிவரம் ஆகிய எல்லாவற்றையும் பொறுமையாக சரிபார்த்தபிறகு பதிவுத்தபாலில் அனுப்பவேண்டும்.
பதிவுத்தபாலில் அல்லது விரைவுத்தபாலில் ஒப்புதல் அட்டையுடன் அனுப்பிஅதற்குரிய அத்தாட்சி ரசீது பெற்றுக்கொள்ளவேண்டும்.
தகவல் அறியும் உரிமைச் சட்டம், 2005 –
பிரிவு 2(f) ன்படி .... இந்தியக் குடிமக்களுக்கு கீழே குறிப்பிட்டுள்ளவைகள் சார்ந்த தகவல்களை நகல்களாகப் பெறலாம். சம்பந்தப்பட்ட அரசு அலுவலகந்தில் கோப்புகளைப் பார்வையிடலாம்.முதல் ஒருமணிநேரம் இலவசமாக அனுமதிக்கப்படும்.அதன்பிறகு தாமதமாகும் ஒவ்வொரு மணிநேரத்துக்கும் கட்டணம் செலுத்தவேண்டும்.
(1) பதிவுகள்(Records),
(2) ஆவணங்கள்(Documents),
(3) நினைவூட்டல்கள்(Memos),
(4) மின்னஞ்சல்கள்(E-Mails),
(5) கருத்துகள்(Opinions),
(6) ஆலோசனைகள்(Advices),
(7) செய்திக்குறிப்புகள்(Press Releases),
(8) சுற்றறிக்கைகள்(Circulars),
(9) உத்தரவு நகல்கள்(Orders),
(10) பதிவு புத்தகங்கள்(Log Books),
(11) ஒப்பந்தங்கள்(Contracts),
(12) அறிக்கைகள்(Reports),
(13) காகிதங்கள்(Papers),
(14) மாதிரிகள்(Models)
(15) மின்னணு வடிவில் உள்ள தரவுகள்(Electronic data),
மற்றும்
(16) தனியார் நிறுவனத்திலிருந்து அரசு அதிகாரிகள் சட்டப்படி பெறக்கூடிய தகவல்களும்
இதில் அடங்கும்.
தகவல் அறியும் உரிமைச் சட்டம், 2005 Right To Information Act - 2005 (RTI Act, 2005) 31 முக்கிய பிரிவுகளையும், பல உட்பிரிவுகளையும் கொண்டுள்ளது.
கீழே ஒவ்வொரு பிரிவும் அதன் உட்பிரிவுகளுடன் வழங்கப்பட்டுள்ளன.
பிரிவு 1 – சட்டத்தின் பெயர், பரப்பு, மற்றும் செயல்பாடு
சட்டத்தின் பெயர் – "தகவல் அறியும் உரிமைச் சட்டம், 2005" (Right to Information Act, 2005) என அழைக்கப்படும்.
பரப்பு
இந்தியாவின் அனைத்து மாநிலங்களிலும் நடைமுறையில் இருக்கும்.
செயல்பாடு
இந்த RTI_2005 சட்டம் 2005 அக்டோபர் 12 ஆம் தேதி முதல் அமலுக்கு வந்தது.
பிரிவு 2 – முக்கிய வரையறைகள் (Definitions)
1. "தகவல்" (Section 2(f)) – ஆவணங்கள், நோட்டுக்கள், மின்னணு பதிவுகள், புகைப்படங்கள், ஒலிப்பதிவுகள், வீடியோ ஆகியவற்றை உள்ளடக்கியது.
2. "பொது அதிகாரம்" (Section 2(h)) – அரசு துறைகள், அரசால் நிதியுதவி பெறும் தனியார் நிறுவனங்கள், உள்ளாட்சி அமைப்புகள், அரசுப் பள்ளிகள்.
3. "பொது தகவல் அலுவலர்" (PIO) (Section 2(l)) – பொது தகவல் கோரிக்கைகளை ஏற்று, பதிலளிக்கும் அதிகாரி.
4. "முதல் முறையீட்டு அதிகாரி" (FAA-FIRST APPELLATE AUTHORITY )
(Section 2(j)) –பொது தகவல் அலுவலர் PIO வழங்கிய தகவலில் திருப்தி இல்லையெனில்,
மேல்முறையீடு செய்யக்கூடிய அதிகாரி.
2(j) தகவலுக்கான ஆய்வை வரையறுக்கிறது.
பிரிவு 3 – தகவல் பெறும் உரிமை (Right to Information)
இந்திய குடிமக்கள் அரசு தகவல்களை கோரலாம்.
பிரிவு 4 – அரசு துறைகள் தாமாக வெளியிட வேண்டிய தகவல்கள்
அரசு துறைகள் தாமாகவே வெளியிட வேண்டிய தகவல்களில் உள்ளவை:
(4(1)(a)) – நிர்வாக அமைப்பு
(4(1)(b)) – வேலைவாய்ப்பு விவரங்கள்
(4(1)(c)) – ஒப்பந்தங்கள், திட்டங்கள்
(4(1)(d)) – நிதி செலவுகள்
இவை இணையதளங்கள், அலுவலக அறிவிப்புகள் மூலமாக மக்களுக்கு வெளிப்படுத்தப்பட வேண்டும்.
பிரிவு 5 – பொது தகவல் அலுவலர் (PIO- Public Information Officer) நியமனம்...
1. (5(1)) – ஒவ்வொரு அரசு துறையிலும் ஒரு பொது தகவல் அலுவலர் PIO நியமிக்கப்பட வேண்டும்.
2. (5(2)) – சில அலுவலகங்களில் உதவிப் பொது தகவல் அலுவலர் (APIO- Assistant Public Information Officer) நியமிக்கப்படலாம்.
பிரிவு 6 – தகவல் கோருவது எப்படி?
1. (6(1)) – எழுத்துப் படிவம், மின்னஞ்சல் அல்லது மனு மூலம் தகவல் கோரலாம்.
2. (6(2)) – காரணம் கூற தேவையில்லை.
பிரிவு 7 – தகவல் வழங்கும் காலக்கெடு...
1. (7(1)) – சாதாரண கோரிக்கைக்கு – 30 நாட்கள்
2. (7(1)) – மனித உயிருக்கு ஆபத்து உள்ள விஷயங்களுக்கு – 48 மணி நேரத்திற்குள்
3. (7(2)) – தகவல் வழங்க மறுத்தால், அதற்கான காரணம் தெரிவிக்க வேண்டும்.
4. (7(3)) – தகவல் பெற கட்டண விவரங்கள் தெரிவிக்க வேண்டும்.
5. (7(5)) – BPL (Below Poverty Line) நபர்களுக்கு கட்டணம் இல்லை.
தகவல் மறுப்பு மற்றும் தடைகள்
பிரிவு 8 – தகவல் வழங்க முடியாத விவரங்கள்
1. (8(1)(a)) – தேசிய பாதுகாப்பு தொடர்பான தகவல்கள்
2. (8(1)(b)) – நீதிமன்ற விசாரணைகள்
3. (8(1)(j)) – தனிநபர் தனியுரிமை (Personal Privacy)
பிரிவு 9 – ஏற்கெனவே வெளிப்படுத்தப்பட்ட தகவல்களை மறுப்பதற்கான தடையில்லை.
பிரிவு 10 – பகுதி தகவல் வழங்கல்
1. (10(1)) – தகவலின் ஒரு பகுதி மறைக்கப்பட்டாலும், மீதமுள்ள தகவல்களை வழங்கலாம்.
மேல்முறையீடு மற்றும் தண்டனை விதிகள்
பிரிவு 11 – தனிப்பட்ட தகவல்களை வழங்க முன்பு அந்த நபரின் அனுமதி பெறுதல்.
பிரிவு 12 – மத்திய தகவல் ஆணையம் (CIC) அமைப்பு.
பிரிவு 13 – CIC உறுப்பினர்களின் பதவிக்காலம் மற்றும் விதிகள்.
பிரிவு 14 – CIC உறுப்பினர்களை நீக்குவது தொடர்பான விதிகள்.
பிரிவு 15 – மாநில தகவல் ஆணையம் (SIC) அமைப்பு.
பிரிவு 16 – SIC உறுப்பினர்களின் பதவிக்காலம் மற்றும் விதிகள்.
பிரிவு 17 – CIC / SIC உறுப்பினர்களை நீக்குவது தொடர்பான விதிகள்.
பிரிவு 18 – பொது தகவல் அலுவலர் மீது புகார் அளிக்க SIC / CIC-க்கு அதிகாரம்.
பிரிவு 19 – மேல்முறையீட்டு சட்டம்...
1. (19(1)) – பொது தகவல் அலுவலர் (PIO) தகவல் வழங்க மறுத்தால், முதலில் முதன்மை அதிகாரியிடம் (FAA) முறையிடலாம்.
2. (19(3)) – அதற்குப் பிறகு, மாநில அல்லது மத்திய தகவல் ஆணையத்திற்கும் (SIC/CIC) முறையிடலாம்.
பிரிவு 20 – பொது தகவல் அலுவலர் (PIO)-அவர்களுக்கு தண்டனை விதிகள்
1. (20(1)) – நாள் ஒன்றுக்கு ₹250 அபராதம் (அதிகபட்சம் ₹25,000 வரை).
2. (20(2)) – மறைமுகமாக தகவல் மறைத்தால், சம்பந்தப்பட்ட அலுவலருக்கு தண்டனை விதிக்கலாம்.
RTI சட்டத்தின் பொதுவான விதிகள்
பிரிவு 21 –பொது தகவல் அலுவலர் PIO-விற்கு அதிகாரப்பூர்வ பாதுகாப்பு.
பிரிவு 22 – மற்ற சட்டங்களை விட RTI சட்டத்திற்கே முன்னிலை.
பிரிவு 23 – RTI தொடர்பாக நீதிமன்றங்களில் நேரடியாக வழக்கு தொடுக்க முடியாது.
பிரிவு 24 – சில அமைப்புகள் RTI-யில் இருந்து விலக்கு (RAW, IB, CBI).
பிரிவு 25 – ஒவ்வொரு ஆண்டும் RTI செயல்பாடுகள் குறித்த அறிக்கை வெளியிட SIC / CIC கட்டாயம்.
பிரிவு 26 – RTI சட்டத்தை பிரச்சாரம் செய்ய அரசு நடவடிக்கைகள் மேற்கொள்ள வேண்டும்.
பிரிவு 27 – மாநில அரசுகள் RTI செயல்பாடுகளை முன்னெடுக்க விதிகள் உருவாக்கலாம்.
பிரிவு 28 – மத்திய அரசு விதிகளை உருவாக்க அதிகாரம் பெறும்.
பிரிவு 29 – சட்டம் நடைமுறைக்கு வந்த தேதி.
பிரிவு 30 – பூர்வீக சட்டங்களை நீக்குதல்.
பிரிவு 31 – அனைத்து விதிமுறைகளும் தெளிவாக அமல்படுத்தப்படும்.
என்னறிவுக்கெட்டிய தகவல்களை பதிவிட்டுள்ளேன்.
தகவல்அறியும்உரிமைசட்டம்2005 சம்பந்தமான விழிப்புணர்வு அரசுகளும் ,பல தன்னார்வ அமைப்புகளும்,வழக்குரைஞர்களும் ,பாதிக்கப்பட்ட தனிநபர்களும் பொதுக்கூட்டங்கள் நடத்தியும் இணையதளத்தில் பகிர்ந்தும் வருகின்றனர்.
நான் பின்பற்றும் சாதாரணமனிதன் தளங்களை இங்கு பகிர்கிறேன்.
commonMan திரு முருகேசன் மற்றும் RTI2005 ஆசிரியர்திரு. ஹக்கீம் அவர்களும் எளிமையாக விழிப்புணர்வு தருகின்றனர்.
திரு.RTI முருகேசன் அவர்களின் இணையவழிதளங்களைப் பகிர்ந்துள்ளேன்.அவைகளில்
அதிகப்படியான தகவல்களைப்பெறலாம்.
யூடியூப் வீடியோவில் youtube.com/@ commonManRTI,
instagram.com இல் https://www.instagram.commonman9095,
Twitter இல் twitter.com/Muruges909511?s=09
பேஸ்புக் சமூக வலைத்தளத்தில்
ஆகியவற்றில் பார்வையிட்டு தெளிவடையுங்க.
திரு. RTI முருகேசன் அவர்களின் நோக்கம்.
"மனிதனாய் பிறந்ததே நன்மை செய்யத்தான்" சுயநலத்திலும் கொஞ்சம் பொதுநலம் செய்வோம்... தகவல் அறியும் உரிமைச் சட்டத்தின் பயன்பாடுகள் பற்றிய சந்தேகங்கள் பற்றிய வீடியோக்கள் வெளியிடப்படும். சட்டதிட்டங்கள்/அரசு நலத்திட்டங்கள்/குறித்த பல பதிவுகள் வெளியிடப்படும்..
.jfif)
