Facebookஇல் 2014ஆம் ஆண்டின் சிறந்த பதிவுகள்

மரியாதைக்குரியவர்களே,
            வணக்கம்.
          

            தாளவாடி மலைக்கிராமங்களில் அறுபத்திநான்கு கிராமங்களுக்கும் இருநூறு கிலோமீட்டர் தூரம் பயணித்து ஆறாயிரம் நோட்டீஸ்கள் தமிழிலும் கன்னடத்திலும் விநியோகித்து இலவச கண் சிகிச்சை முகாம் குன்னூர் மேட்டுப்பாளையம் இம்மானுவேல் கண் மருத்துவமனையுடன் இணைந்து

             தாளவாடி அஸிசி மருத்துவமனையில் நடத்தியது.பயனடைந்தோர் 94நபர்கள்..(2014மே31....)

     
ஜூலை மாதம்22..
       சத்தியமங்கலத்தில் காமதேனு கலை அறிவியல் கல்லூரியுடன் இணைந்து நுகர்வோர் பாதுகாப்பு மற்றும் சாலை பாதுகாப்பு சங்கத்தின் சார்பு இயக்கமான தேசிய கண்ணொளி விழிப்புணர்வு இயக்கம் விழிப்புணர்வு பேரணி நடத்தியது.
ஆகஸ்டு 15 ஆம் தேதி..ரங்கசமுத்திரம் நகராட்சி துவக்கப்பள்ளியில் சுதந்திர தினவிழா ..

2014 செப்டெம்பர்09 ஆம் தேதி..
சத்தியமங்கலம் வாசிக்கிறது. வாசிப்பு விழிப்புணர்வு நிகழ்ச்சி..

2014அக்டோபர்31 ஆம் தேதி..ஈரோடு மாவட்டத்தின் அரசு அதிகாரிகளின் கவனத்திற்காக..பெரியகுளம் உடைப்பிற்கான காரணமும் உடனடி நடவடிக்கையும்..

          2014நவம்பர் 28ஆம்தேதி இன்று கோபி கம்பன் கல்வி நிலையம் மெட்ரிக் மேல்நிலைப்பள்ளியில்,'குடிமக்கள் நுகர்வோர் மன்றம்'' துவக்க விழா

சத்தி & கோபி வட்டாரங்களில் இருநாள் எளிய இன்பச்சுற்றுலா!.

மரியாதைக்குரியவர்களே,
                   வணக்கம். கொங்குத்தென்றல் வலைப்பக்கத்திற்கு இனிதே வரவேற்கிறேன்.ஈரோடு மாவட்டம் சத்தியமங்கலத்தில் துவங்கி கோபி வட்டாரங்களில் இரண்டு நாட்களில் சுற்றிப்பார்க்க என்ன்றிவுக்கு எட்டிய விவரங்களை பதிவிட்டுள்ளேன். படியுங்க,ஆலோசனை கூறுங்க....
  தூரங்களும் பேருந்தில் பயண நேரங்களும்
 சத்தியமங்கலத்திலிருந்து - பண்ணாரி அம்மன் கோவில் 14கிலோமீட்டர் தூரம், பயண நேரம் அரை மணி நேரம்.
பண்ணாரி அம்மன் கோவிலிலிருந்து பவானிசாகர் அணை 15 கிலோமீட்டர் தூரம்,பயண நேரம் அரை மணி.
பவானிசாகரிலிருந்து சத்தியமங்கலம் 15கிலோமீட்டர் தூரம்,பயண நேரம் அரை மணி.
சத்தியிலிருந்து கொடிவேரி அணை13 கிலோமீட்டர் தூரம்,பயண நேரம் அரை மணி..
கொடிவேரி அணையிலிருந்து கோபி செட்டிபாளையம் 13கிலோ மீட்டர் தூரம், பயண நேரம் அரை மணி.
கோபிசெட்டிபாளையத்திலிருந்து பாரியூர் அம்மன் கோவில் 3கிலோமீட்டர் தூரம், பயண நேரம் பத்து நிமிடம்.
கோபிசெட்டிபாளையத்திலிருந்து பாரியூர் வழி அந்தியூர் 21கிலோமீட்டர் அந்தியூரிலிருந்து பவானி கூடுதுறை 20கிலோமீட்டர் தூரம், பயண நேரம் 1.30மணி.
கோபிசெட்டிபாளையத்திலிருந்து சித்தோடு 26கிலோமீட்டர் தூரம், பயண நேரம் முக்கால் மணி.
சித்தோட்டிலிருந்து பவானி 8கிலோமீட்டர் தூரம், பயண நேரம் 15நிமிடம்.
பவானியிலிருந்து அந்தியூர் வழி மேட்டூர் அணை 60கிலோமீட்டர் தூரம்..
மேட்டூரிலிருந்து மாதேஸ்வரன் மலை 65கிலோமீட்டர் தூரம்.
பவானியிலிருந்து ஈரோடு 16கிலோமீட்டர் தூரம்,
ஈரோட்டிலிருந்து சேலம் 66கிலோமீட்டர்,சேலத்திலிருந்து ஆத்தூர்58கிலோமீட்டர் தூரம்,ஆத்தூரிலிருந்து கள்ளக்குறிச்சி 48 கிலோமீட்டர் தூரம்,கள்ளக்குறிச்சியிலிருந்து மேல் மருவத்தூர் 142 கிலோமீட்டர் தூரம்,மேல் மருவத்தூரிலிருந்து சென்னை 93கிலோமீட்டர் தூரம்,
 ஆக ஈரோட்டிலிருந்து சென்னை 407கிலோமீட்டர் தூரம்,
சத்தியிலிருந்து திம்பம் 27கிலோமீட்டர் தூரம், பயண நேரம் ஒருமணி,
திம்பத்திலிருந்து ஆசனூர் 9கிலோமீட்டர் தூரம்,
ஆசனூரிலிருந்து தாளவாடி 27 கிலோமீட்டர் தூரம், பயண நேரம் 45நிமிடம்.,
 திம்பத்திலிருந்து தலமலை வழி தாளவாடி 70 கிலோமீட்டர் தூரம், பயண நேரம் மூன்று மணி .
தாளவாடியிலிருந்து சாம்ராஜ் நகர் 21 கிலோமீட்டர் தூரம்,
சாம்ராஜ நகரிலிருந்து மைசூர் 58கிலோமீட்டர் தூரம்,
சத்தியிலிருந்து பவானிசாகர் வழி தெங்குமரஹாடா 50கிலோமீட்டர் தூரம்.
சத்தியிலிருந்து மேட்டுப்பாளையம் 53கிலோமீட்டர் தூரம்,
மேட்டுப்பாளையத்திலிருந்து ஊட்டி 52 கிலோமீட்டர் தூரம்,
மேட்டுப்பாளையத்திலிருந்து கோத்தகிரி 37 கிலோமீட்டர் தூரம்,
கோத்தகிரியிலிருந்து ஊட்டி 28 கிலோமீட்டர் தூரம்,
ஊட்டியிலிருந்து கூடலூர் 50 கிலோமீட்டர் தூரம்,
மேட்டுப்பாளையத்திலிருந்து காரமடை 8 கிலோமீட்டர் தூரம்,
மேட்டுப்பாளையத்திலிருந்து பத்ரகாளியம்மன் கோவில் 6 கிலோமீட்டர் தூரம்,
 சத்தியிலிருந்து கோயமுத்தூர் 69 கிலோமீட்டர் தூரம்,
சத்தியிலிருந்துதிருப்பூர் 56 கிலோமீட்டர் தூரம்,
சத்தியிலிருந்து அந்தியூர் 40 கிலோமீட்டர் தூரம்,
சத்தியிலிருந்து மேட்டூர் 80 கிலோமீட்டர் தூரம்,
 சத்தியிலிருந்து கொளேகாலம் 124 கிலோமீட்டர் தூரம்,
சத்தியிலிருந்து பெங்களூர் 269 கிலோமீட்டர் தூரம், 
 சத்தியிலிருந்து மைசூர் 142 கிலோமீட்டர் தூரம்,
சத்தியிலிருந்து பொள்ளாச்சி 162 கிலோமீட்டர் தூரம்,
கோபியிலிருந்து பொள்ளாச்சி 156 கிலோமீட்டர் தூரம்,
சத்தியிலிருந்து கோபி வழி பொள்ளாச்சி 181 கிலோமீட்டர்,
சத்தியிலிருந்து திருப்பூர் வழி பழனி 139 கிலோமீட்டர் தூரம்,
பழனியிலிருந்து கொடைக்கானல் 64 கிலோமீட்டர் தூரம்,
ஈரோட்டிலிருந்து திருச்சி-147 கிலோமீட்டர் தூரம்,
ஈரோட்டிலிருந்து மதுரை - 209 கிலோமீட்டர் தூரம்,
ஈரோட்டிலிருந்து பழனி - 115 கிலோமீட்டர் தூரம்,
ஈரோட்டிலிருந்து அன்னூர் 80 கிலோமீட்டர் துரம்,
 அன்னூரிலிருந்து மேட்டுப்பாளையம் - 20 கிலோமீட்டர் தூரம், 
அன்னூரிலிருந்து அவினாசி - 20கிலோமீட்டர் தூரம்,
அவினாசியிலிருந்து ஈரோடு - 60கிலோமீட்டர் தூரம்,
அவினாசியிலிருந்து கோயமுத்தூர் - 40 கிலோமீட்டர் தூரம்,
 இன்னும் தொடரும்.........

கலப்படம் கவிதைகள்

மரியாதைக்குரியவர்களே,வணக்கம். 
          கலப்படம் பற்றிய விழிப்புணர்வு கவிதைகள் தொகுத்து வெளியிட விருப்பம்.உதவிட வேண்டுகிறேன்.

கலப்படம்-நகைச்சுவை கவிதை

கேடு கெட்ட உலக வாழ்க்ககை வெறுத்ததால்
சாகவேண்டி தற்கொலை செய்ய முயற்சித்தான் முனுசாமி...

கடைக்கு சென்று தாம்புக் கயிறு வாங்கி
கதவடைத்து நாற்காலியின் மீதேறி....
உத்திரத்தில் சுருக்கிட்டு, தலையை உள்நுழைத்து
காலால் உதைத்தான் நாற்காலியை.....
அந்தோ... பரிதாபம் கயிறு அறுந்துவிட
முனுசாமி தரையில்விழுந்தான்.......
காரணம் கயிற்றில் கலப்படமாம்...!
மூட்டைப்பூச்சி மருந்து குடித்தால் சகலாம் -என்ற
ஒரு முதியவரின் அறிவுரை புத்தியில் மின்ன,
கடைக்குச் சென்று வாங்கி வந்து,
குளிர்பானம்போல் குடித்தான்...!
சிறு நேரம் வாந்தி, சிறிது நேரம் தலைச்சுற்றல்
ஆனால் அவன் சாகவில்லை....!
காரணம் மருந்திலும் கலப்படமாம்...!

மற்றொரு முயற்சியாய் மண்ணெண்ணெய்
ஊற்றி முயற்சித்தான் முடிவு வழக்கம் போல்....

உடலில் தீக்காயம்.... மருந்திட
மருத்துவமனைக்கு வந்தான்....!
முதலுதவியின் போதே மூர்ச்சையானான்...
சீரிய சிகிச்சையில் செத்தே விட்டான்...!
காரணம் மருந்திலும் கலப்படமாம்...!

TAMIL OLD--Kalappadam(vMv)--THIRUMPI PAAR

நொய்யல் ஆறு...கோவை குற்றாலம்...

மரியாதைக்குரியவர்களே,
              வணக்கம். கொங்குத்தென்றல் வலைப்பக்கத்திற்கு தங்களை இனிதே வரவேற்கிறேன். 
 தமிழனின் நீர் மேலாண்மைக்கு ஓர் எடுத்துக்காட்டு..நொய்யல் நதியும் ஆகும்.
           மேற்குத்தொடர்ச்சி மலையில் கோயமுத்தூருக்கு மேலே சுமார் இரண்டாயிரம் அடி உயரத்தில் மழை பெய்யும்போது அந்த மழைநீரானது  சிறுசிறு ஓடைகளாக உருப்பெற்று ஏழு ஓடைகளாகிறது.இந்த ஏழு ஓடைகளும் ஒன்று சேர்ந்து குஞ்சரான்முடி என்று பெயர் பெறுகிறது.இதுதான் சிறுவாணி அடிவாரத்தில் காணும் கோவை குற்றாலம் ஆகும்.இந்த கோவை குற்றாலத்தை ப்ரியாறு என்றும் அழைக்கப்படுகிறது. இது இவ்வாறு இருக்க இன்னொரு பக்கத்தில் அதாவது வெள்ளிங்கிரி மலையிலும் அதை ஒட்டியுள்ள பகுதிகளிலும் பெய்யும் மழை ஐந்து ஓடைகளாக ஒன்று சேர்ந்து மத்திமர கண்டி ஓடை என்று பெறுகிறது.இந்த ஓடை பெரியாறுடன் செம்மேடு அருகில் கலக்கிறது.
இந்த பெரியாறு மட்டும் நொய்யல் என்று அழைக்கப்படுவதில்லை!.
இந்த பெரியாறுடன்  தூத்துமலை ஓடை, கொடுவாய்ப்புடி ஓடை,பெரியாறு ஓடை ஆகியவை ஒன்று சேர்ந்து சின்னாறு என்று அழைக்கப்படுகிறது.
 இந்த சின்னாறு  சாடிவயல் வழியாக ஏற்கனவே கூறிய பெரியாறுடன் சோலைப்படுகையில் ஒன்று சேர்கிறது.பெரியாறு மற்றும் சின்னாறு சேர்ந்தவுடன் இவற்றுடன் மேற்கு தொடர்ச்சி மலையில் இருபது ஓடைகளை  ஒன்று சேர்த்து வரும் தொள்ளாயிரம் மூர்த்தி கண்டி என்ற ஆறு தொம்பிலிபாளையத்தில் ஒன்று சேர்கிறது.இதை வைதேகி நீர்வீழ்ச்சி என்பர்.
 தொம்பிலிபாளையத்தில் ஏறக்குறைய அனைத்து ஆறுகளும் ஒன்று சேர்ந்தபிறகுதான் நொய்யல் ஆறு என்று பெயர் பெறுகிறது. இந்த நொய்யல் ஆறு பேரூர்,கோவைநகர்,சூலூர்,திருப்பூர்,கொடுமணல்,காங்கயம்,வழியாக கரூர் மாவட்டம் சென்று நொய்யல் என்னும் கிராமத்தில் காவிரி நதியுடன் இந்த நொய்யல் ஆறு கலக்கிறது. 
           நொய்யல் ஆற்றின் சராசரி நீளம் 160கி.மீ. முதல் 170கி.மீ. ஆகும்.இந்த ஆற்றின் சராசரி அகலம் 30அடி ஆகும்.நொய்யல் ஆற்றின் குறுக்கே கட்டப்பட்டுள்ள தடுப்பு அணைகள் 32 எண்ணிக்கை ஆகும்.குளங்கள் 19 ஆகும். 
             நொய்யல் ஆற்றில் வருடம் முழுவதும் வெள்ளம் பெருக்கெடுத்து ஓடுவதில்லை. ஆனால் ஏறத்தாழ ஆலந்துறை வரை ஆண்டுக்கு பத்து மாதங்கள் தண்ணீர் வரத்து உள்ளது. இந்த தண்ணீரையும் மழைக்காலத்தில் கிடைக்கும் தண்ணீரையும் நாம் முறையாக பயன்படுத்த வேண்டும். 
                      ஆண்டிபாளையம் குளம். நொய்யல் ஆற்றின் நீர் மேலாண்மைக்கு எடுத்துக்காட்டு. நொய்யல் ஆற்றில் வருகின்ற  தண்ணீர் மங்கலம் அருகேயுள்ள தடுப்பணையால் தடுக்கப்பட்டு 7 கி.மீ வாய்க்கால் மூலம் ஆண்டிபாளையம் குளத்திற்கு வருகிறது. இந்தக்குளம் நிரம்பியவுடன்.. வெளியேறும் நீர் மீண்டும் நொய்யலை அடைகிறது.

                          நொய்யல் ஆற்றில் தண்ணீர் பெருக்கெடுத்து ஓடி வரும்போது அந்த தண்ணீரை தடுப்பணைகள் மூலம் தடுத்து பின்னர் சிறிய வாய்க்கால் மூலமாக குளங்களுக்கு தண்ணீரை எடுத்துச்செல்லும் முறை நொய்யல் ஆற்றில் பயன்படுத்தப்படுகிறது.நொய்யல் ஆறு வெள்ளப்பெருக்கு மற்றும் அதன் வேகம் மணிக்கு ஒருமுறை  மாறுபடும் தன்மை கொண்டது. அதனால் திடீர் என குளங்களை நிரப்பிவிடும்.அதனால் குளம் அழியும் ஆபத்து உள்ளது.
               அதனால்தான் தடுப்பணைகள் மூலம் தடுத்து  சிறு வாய்க்கால் வழியாக பாதிப்பு இல்லாமல் குளங்களை நிரப்பும் முறை ஆயிரம் ஆண்டுகளுக்கு முன்னரே சோழர்கள் காலத்திலும் பின்னர் மதுரையில் பாண்டிய மன்னர்கள் காலத்திலும் நடைமுறைப்படுத்தப்பட்டுள்ளது. 
                                கூடுதுறையில் நொய்யல் என்று பெயர் பெற்ற பிறகு கோவையை நோக்கி ஓடி வருகிறது.அதே சமயம் நொய்யலின் குறுக்கே எந்த தடுப்பு இருந்தாலும் அதை தகர்த்துக்கொண்டு ஓடி வர காரணம் உள்ளது. 
                    காரணம் கூடுதுறையில் இருந்து ஒவ்வொரு கிலோமீட்டர் தூரத்திற்கும் ஒரு மீட்டர் தாழ்வாக உள்ளது.அதனால் 30கிலோமீட்டர் தூரமுள்ள கோவையை நோக்கி ஓடிவரும் நொய்யல் ஆற்றின் நிலை 15மீட்டர் தாழ்வாக இறங்கியுள்ளது.
               இந்த புவியமைப்பின் நிலை காவிரி ஆற்றுடன் கலக்கும் இடம் வரை இயற்கையாகவே அமைந்துள்ளது.இதனால்தான் சொய்யல் ஆறு சீறிப்பாய்ந்து வருகிறது. 
           

 

தி.மு.க. M.P.திருச்சி சிவா அவர்களது வழிகாட்டுதலை நாமும் பின்பற்றுவோம்.

மரியாதைக்குரியவர்களே,
                   வணக்கம். 
                        கொங்குத்தென்றல் வலைப்பக்கத்திற்கு தங்களை அன்புடன் வரவேற்கிறேன்.
             மனைவியிடம் பேசுங்க! என்ற தலைப்பில் திருச்சி சிவா அவர்கள் மனித சமூக விழிப்புணர்வுக்காக தன்னுடைய அனுபவத்தை பகிர்ந்துள்ளார்.சமூகம் சார்பாக மதிப்பிற்குரிய ஐயா திருச்சி சிவா M.P.தி.மு.க.அவர்களை வாழ்த்துவோம் வாங்க...மனித உறவு மேம்பட நமது வாழ்க்கைக்கும் வழிகாட்டியாக எடுத்துக்கொள்ளலாம் வாங்க..

 பதிவிட்ட nammatrichy.com அவர்களுக்கு நன்றிங்க..

                 தி.மு.க. மாநிலங்களை உறுப்பினரும், தி.மு.க. கொள்கைபரப்பு செயலாளருமான திருச்சி சிவாவின் மனைவி தேவிகா ராணி 2014 ஆகஸ்டு மாதம் 02ஆம் தேதி நள்ளிரவில் மரணமடைந்தார்.அவரது ஆன்மா சாந்தியடைய எல்லாம் வல்ல இயற்கையை வேண்டுவோம்.

மனைவியிடம் பேசுங்கள் ! - திருச்சி சிவா M.P

   அவசியம் அனைவரும் படியுங்க!..
                                 பன்னிரெண்டாம் வகுப்புப் படிப்பை பாதியோடு விட்டுவிட்டு, பதினேழு வயதில் என்னை மணமுடித்து, 32 ஆண்டுகள் வாழ்ந்து, 49 வயது முடியும் நேரத்தில் என்னை தனி மனிதனாக தத்தளிக்க விட்டு என் மனைவி போய் விட்டாள்.
அவளுடைய முழு ஒத்துழைப்பு, வாழ விரும்பி நடத்திய போராட்டம், மருத்துவர்களின் முயற்சி, இத்தனையும் மீறி இன்னும் வளர்ந்து நிற்கும் மருத்துவத்திற்கு கட்டுப்படாத நோய் ஒன்று, எல்லோரையும் தோற்கடித்து விட்டு அவளை கொண்டு போய் விட்டது.

இதுநாள் வரை என் வாழ்வில், கடந்த காலத்தில் நான் செய்த, அல்லது செய்யத் தவறிய எதையும் எண்ணி வருந்தியதே இல்லை. காரணம் எல்லாம் தெரிந்தே, தெளிந்தே செய்ததுதான்.
ஆனால் கடந்த ஒரு வார காலமாக ஒரு குற்ற உணர்ச்சி என்னை வாட்டி வதைக்கிறது. வாழ்வின் எல்லா நிலைகளிலும், வசந்தம் எட்டிப்பார்க்காத ஆரம்ப காலத்திலும், வளம் குறைந்திருந்த நாட்களிலும் மகிழ்ச்சியோடு என்னோடு வாழ்ந்தவள் அவள்.
பொன் நகைகளை கழட்டிக் கொடுத்து விட்டு, புன்னகையோடு மட்டும் வலம் வந்த நாட்கள் உண்டு. அரசியல் வெப்பம் தகித்தபோதும், தனிமனித வாழ்வின் துன்பங்கள் சூழ்ந்தபோதும், என் அருகே ஆறுதலாய், ஆதரவாய் இருந்தவள்.
எந்த நிலையிலும் தலை தாழ்ந்து வாழ்ந்திட கூடாது என்கின்ற என் குணத்திற்கு இயைந்து, இணைந்து நடந்தவள். சுயமரியாதையை காப்பதில் என்னையும் தாண்டி நின்றவள்.
மூன்று குழந்தைகளும் பிறக்கும் நேரத்தில், இடைதேர்தல் பனி, பிரச்சாரப்பணி, போராட்டங்கள் என்று அவள் அருகே இருக்காமல் சுற்றி கொண்டுஇருந்தபொது சிறிதும் முகம் சுளிகாதவள்.
1982 செப் 15 முரசொலியில் ' என் கண்கள் உன்னை தேடுகின்றன ' என்று கலைஞர் எழுதிய கடிதம் உங்களுக்காகவே என சொல்லி நிறைமாத கர்ப்பிணியாக இருந்தும் என்னை பெரியகுளம் இடைத்தேர்தலுக்கு அனுப்பிவிட்டு செப்17 குழந்தை பிறந்து, இரண்டு நாட்கள் கடந்து 19 ந்தேதி நான் பார்க்க வந்தபோது ஒரு சிறிதும் முகம் சுழிக்காமல் ஒருமணி நேரத்திலயே என்னை மீண்டும் தேர்தல் களம் அனுப்பி வைத்த கற்பனை செய்ய முடியாத குணம் கொண்ட குலமகள். இரண்டாவது குழந்தை பிறந்து மருத்துவமனையில் இருந்து நேராக அப்போது ஒரு போராட்டத்தில் கலந்து கொண்டு போலீஸ் நிலையத்தில் காவலில் இருந்த இடத்தி பிள்ளையை காட்டி விட்டு பத்திரமாக இருங்கள் என்று சொல்லி விட்டு போன இலட்சியவாதியின் சரியான துணை.
விருந்தோம்பல் , உபசரிப்பு, இன்முகம், எண்ணைக்கான வருவோர் அதனை பேருக்கும் அன்னபூரணி. இரவு இரண்டு மணிக்கு எழுந்து சுடச்சுட தோசையும், குளிர்சாதனப் பெட்டியில் வைத்த பழைய துவையலை ஒதுக்கி புதிதாக அரைத்து பசியாற்றி பின்னர் சுருண்டு உறங்கும் அன்பு தெய்வம், தாய் போன துயரம் தெரியாமல், தாயின் இடத்தையும் நிரப்பி, ஒருபொழுதும், எதன் பொருட்டும் முகம் வாடுவது பொறுக்காமல் துடிக்கும் உள்ளம் கொண்ட உத்தமி;
பொது வாழ்க்கையில் நான் நெறி பிறழாமல் நடப்பதற்குப் பெரிதும் துணையாய், ஊக்கமாய், பக்கபலமாய், இருந்தவள்.
பண்டிகைகளும், திருநால்களும், கோலாகலமாய், கூட்டம் கூட்டமாய் கொண்டாடுவதற்கு அவள்எடுத்துக் கொள்ளும் முயற்சிகளும், காட்டும் ஆர்வமும் அளவிடற்கரியவை.
இத்தனை கருத்துக்களை அவள் மீது நான் கொண்டிருந்தன ஒருநாளும் வாய்விட்டு வார்த்தையில் சொல்லியதேயில்லை. ஆண்செருக்கு என்பார்கள், நிச்சயமாக அது இல்லை. இருந்திருந்தால் இந்த உறுத்தல் வந்துருக்காது.
நேரம்இல்லை என்பார்கள், பொய் 32 ஆண்டுகளில் பத்து நிமிடம் கூடவா கிடைக்காமல் போயிருக்கும். தானாகவே புரிந்து கொள்வார்கள் என்பார்கள். என்றால் மொழி எதற்கு? மொழியின் வழியில் ஒரு பொருளுக்கு பல சொற்கள் எதற்கு? பேசுவதற்குதானே? உணர்துவதற்குதானே? ஒரு சொல் ஓராயிரம் புரியவைக்குமே.
காலம் கடந்து பயன்படுத்தினால் பயனத்துப்போவது பதார்த்தங்கள் மட்டுமா? வார்த்தைகளும் தானே. சரியான நேரத்தில் வெளிபடுதாவிட்டால், 'மன்னிப்பு', 'நன்றி' , ' காதல் ' என்ற எந்த சொல்லுக்கும் உயிர் இருக்காது.விளையும் இருக்காது.
இத்தனை கற்றும் கடமை தவரியதாகவே கருதுகிறேன். ஒருநாள் ஒரே ஒரு தடவை தனியாக அவளிடம், உன்னால் தான் உயர்வு பெற்றேன் என்று கூட அல்ல, உன்னால்தான் இந்த பிரச்சனை தீர்ந்தது, உன் துணைதான் இந்த துன்பமான நேரத்தை கடக்க வைத்தது. உன் ஆலோசனைதான் என் குழப்பத்திற்கு தீர்வு தந்தது. என் வேதனையை பகிர்ந்து கொண்டு என்னை இலேசகினாய் என்று ஒருமுறையாவது கூறியிருந்தால் எவ்வளவு மகிழ்ந்திருப்பாய். கோடிரூபாய் கொட்டிகொடுத்தாலும் கிடைக்காத உற்சாகத்தை அடைந்திருபாயே.
ஊட்டிக்குப் பொதுக்கூட்டத்திற்கு சென்றிருந்த நேரத்தில் அவளின் உடல் நலம் மோசமடைததாக செய்தி கிடைத்தது வரும் வழியெல்லாம் இப்படியே யோசித்து இன்று அவளிடம் எப்படியும் உள்ளத்தை திறந்து இத்தனை நாள் சேர்த்து வைத்துஇருந்ததைஎல்லாம் கொட்டிவிட வேண்டும் என்று வந்து பார்த்தல் முற்றிலும் நினைவிழந்து மருத்துவமனையில் படுத்திருக்கிறாள்.
நினைவு திரும்ப வாய்ப்பேயில்லை என மருத்துவர்கள் உறுதியாக சொன்னபிறகு, மெல்ல அவள் காதருகே குனிந்து 'மும்தாஜை' ஷாஜகான் 'தாஜ்' என்று தனிமையில் அழைத்ததைபோல தேவிகாராணியை 'தேவி' என அழைத்தபோது , மூன்றாவது அழைப்பில் மருத்துவத்தை கடந்த அதிசயமாக புருவங்கள் இரண்டும் மருத்துவத்தை கடந்த அதிசயமாக புருவங்கள் 'என்ன' என்று கேட்பது போல மேல உயர்ந்து வலது விழியோரம் ஒரு துளி கண்ணீர் உருண்டோடியபோது நான் உடைந்துபோனேன்.
பேசியிருக்க வேண்டிய நாட்களில் மனதில் கொள்ளையாய் இருந்தும் பேசாமலே வீணாக்கி, உணர்வுகள் இழந்து கிடந்தவளிடம் அழுது, இன்று அவள் படத்திற்கு முன் உட்கார்ந்து கதறுகிறேன். வருகிரவரிடமெல்லாம் அவள் உயர்வுகளை நாளெல்லாம் உணர்கிறேன். ஒரே ஒருமுறை, அவள் கம்பீரமாய் உலவிய நாட்களில் உட்கார வைத்து பேசிஇருந்தால்...........
இவர் நம்மை முழுதாக புரிந்து கொண்டாரோ, இல்லையோ என்ற குழப்பத்திலேயே போய்இருப்பாளோ என்று நாளும் துடிக்கிறேன்.
எனக்கு ஆறுதல் கூறவந்த திரு.இவிகேஎஸ். இளங்கோவன், "வருதப்படதீர்கள் இதெல்லாம் அவர்களுக்கு சொல்லாமலே புரிந்திருக்கும் " என்று சமாதானப் படுத்தினார்.
நான் அவரிடம் கேட்டேன் , " நீங்களோ நானோ பொதுக்கூட்டத்தில் பேசுகிறபொழுதே, நம்முடைய பேச்சு சிறப்பாக இருந்ததோ இல்லையோ, என்பதை கூடத்தில் எழும் கரவொலி மூலம், முகக்குரிப்பின் மூலம், ஆதரவாளரின் மூலம் உணர்ந்து கொள்ள முடிகிறது.
ஆனாலும், நிகழ்ச்சி முடிந்து, காரில் ஏறியவுடன் உடன் பயனிபவர்கள் அந்த உரை குறித்து ஏதாவது சொல்லவேண்டும் என ஏன் எதிர் பார்க்கிறோம். பாராட்டினால் பரவசமடைகிறோம் . அதுபற்றி எதுவுமே பேசாமல் கூட வருபவர்கள் அமைதி காத்தால் கோபம் கொள்கிறோமே ஏன்? அது போலதான் வீட்டில் இருக்கிற பெண்களும் தங்கள் செயல்களுக்கும், சேவைகளுக்கும், பணிகளுக்கும், ஒரு வார்த்தை அன்பாக , கனிவாக, பாராட்டு சொல்லாக, கணவன் சொன்னால் மகிழ்வார்கள். இதில் நாம் இழப்பது எதுவுமேஇல்லையே என சொன்னேன்.
ஏழு நாட்களுக்கு மேலாகி விட்டது, அவள் படத்தை பார்க்கிறபோதெல்லாம் நெஞ்சிலே இருந்து எதோj ஒன்று கிளம்பி கண்களில் நீராய் முட்டுகிறது.காலங்கடந்து நான் உணர்கிறேன்.
தோழர்களே! தயவு செய்து மனைவியிடம் பேசுங்கள். அவர்களின் துணையினை, அன்பினை, பொறுப்பினை, பொறுமையினை, பெருமையினை, வாய்விட்டு வார்த்தைகளால் சொல்லுங்கள்.
என் மனைவிக்கு என்னை உணர்தாமலே, என் உள்ளதை திறக்காமலே, பேச்சையே தொழிலாக கொண்டவன் பேசி மகிழவைகாமலேயே அனுப்பி வாய்த்த கொடுமை இனி வேறெங்கும் நிகழவேண்டாம்.. வேண்டி கேட்கிறேன்
உங்களுக்காகவே
உங்கள் பிள்ளைகளை,
உங்கள் பிரச்சனைகளை,
உங்கள் உறவுகளை, சுமந்து உங்கள் தேவைகளைப் புரிந்து தீர்த்து, எல்லாவற்றையும் பகிர்ந்து கொண்டு, பொருள் தேடி, புகழ்தேடி நாம் வெளியே சுற்றுகிரபோதேல்லாம், காவல் தெய்வமாய் குடும்பத்தைக் காக்கும் அந்த பெண்களை புரிந்து கொண்டோம் என்பதன் அடையாளமாய், அங்கிகரமாய் நாலு வார்த்தைகள் தயவு செய்து பேசுங்கள்!
நான் சந்தித்து கேட்டவர்களில் 95 விழுக்காட்டினர் என்னைப் போலவே பேசுவதில்லை என்றே சொன்னார்கள். இது மாறட்டும்... என் மனைவியின் பிரிவு தரும் வேதனையை விட இந்த உறுத்தல் தரும் வேதனை மிக அதிகமாக இருக்கிறது. என் அனுபவம் சிலருக்காவது உதவட்டும் என்றே இதை எழுத முனைகிறேன். சில வீடுகளாவது நிம்மதியில், மகிழ்ச்சியில் நிலைக்கட்டும்.
என் வேதனை,
நான்படும் துயரம்
வேறெவர்க்கும் எதிர்காலத்தில் வேண்டாம்
அவளோடு வாழ்ந்த நாட்களின் இனிமையான தருணங்களின்
நினைவுகளே துணையாக அந்த நினைவுகளே சுமையாக வாழ்ந்து கொண்டிருக்கிறேன்.............
இதனை இப்போது சொல்லும் நான் வாழ்ந்த நாட்களில் ஒரு நாள் கூட வாய்விட்டு வார்த்தைகளில் ஒருமுறை கூட சொன்னதில்லை என்பது வெட்கப்பட வேண்டிய ஒன்று.

 தி.மு.க. எம்.பி. திருச்சி சிவாவின் மனைவி தேவிகா ராணி நேற்று (02-08-2014ஆம் தேதி) நள்ளிரவில் மரணம் அடைந்தார்.
தி.மு.க. மாநிலங்களை உறுப்பினரும், தி.மு.க. கொள்கைபரப்பு செயலாளருமான திருச்சி சிவாவின் மனைவி தேவிகா ராணி சில வருடங்களுக்கு முன் மார்பக புற்று நோயால் பாதிக்கப்பட்டார். இதையடுத்து அவர் சென்னை அப்போலோ மருத்துவமனையில் சிகிச்சை பெற்று வந்தார். சில வாரங்களுக்கு முன் அவர் சொந்த ஊரான திருச்சிக்கு வந்தார்.
இந்நிலையில், நேற்று முன்தினம் மீண்டும் உடல்நிலை பாதிக்கப்பட்டு திருச்சி அப்போலோ மருத்துவமனையில் அனுமதிக்கப்பட்டார்.
நேற்று காலை முதலே தீவிர சிகிச்சை பிரிவில் அனுமதிக்கப்பட்ட அவர், சிகிச்சை பலனின்றி நேற்று (2ஆம் தேதி) நள்ளிரவு 1 மணியளவில் சிகிச்சை பலனின்றி உயிரிழந்தார்.

 

நடிகர் சிவக்குமார்!...

மரியாதைக்குரியவர்களே,
                     வணக்கம்.கொங்குத்தென்றல் வலைப்பக்கத்திற்கு தங்களை இனிதே வரவேற்கிறேன். 
                     

            நடிப்புலகில் ஒரு மாசற்ற மாணிக்கம்.தனிமனித ஒழுக்கத்திற்கு ஓர் எடுத்துக்காட்டு! நம்ம கொங்குத்தமிழன் நடிகர் சிவக்குமார் அவர்களது வாழ்க்கைக்குறிப்பு இதோ கவிதையாக..........பதிவிட்ட கவிதாயினி அமுதா பொற்கொடி அவர்களுக்கு நன்றிங்க!..
     

மாய உலகில் ஒரு மாசற்ற சுவடு- 
நடிகர் சிவக்குமார் வாழ்க்கை குறிப்பு.......

 என் கேள்விக்கென்ன பதில்?
என் கேள்விக்கென்ன பதில்?
என்று கேட்ட நாயகனே
பல கேள்விகளுக்கு விடையானவனே

வாழ்வியலின் தத்துவமே
வாலிபத்தின் நிரந்தரமே
ஓவியத்தின் வித்தகமே
காப்பியத்தின் மறு புத்தகமே
வாய்மைக்கு உகந்தவனே
தீமைக்கு எத்தகனே
ஆயகலை பெற்றவனே
யோகநிலை கற்றவனே
உன் வாழ்க்கைவழிப் பயணத்தை
என் வரிகளில் வடிவமைக்கின்றேன்
ஏற்றல் குறைதல் இருப்பினும்
ஏற்றுக்கொள்வாய் புனிதனே
அக்டோபர் 27-1941 ஆம் ஆண்டு
ஆசான் பெற்றெடுத்த பழநிச்சாமியே
அற்ப ஆயுளில் தந்தை தமயனை இழந்ததால்
அன்னையின் அரும் உழைப்பாலே
அரிச்சுவடி நீ கற்றாய்
ஆவி கொண்ட ஓவியம் கற்க
தேடிச் சென்றாய் சென்னை கலைக் கல்லூரி
மேவிடும் உன் கை அசைவால்
பிரகதீசுவரர் ஆலயமும் மீனாட்சி அம்மன் கோவிலும்
திருமலை திருப்பதியும் திருமலை நாயக்கர் மகாலும்
தீர்க்கமான சித்திரம் ஆயின
உன் பயணம் அங்கே தொடரவில்லை
விபத்தானாலும் 1965-ல் உன் திரையுலக பிரவேசம்
முகப்பானது மூத்தோர் ஆசி பெற்றதனால்
மூன்று தலைமுறை அதிலே கண்டாய்
முத்தாய்ப்பாய் மூன்று திரைப்பட விருது வென்றாய்
நடித்த திரைப்படம் இருநூறுக்கு மேல்
உயர்ந்த மனிதன், சொல்லத்தான் நினைக்கிறேன்,
ரோசாப்பூ ரவிக்கைகாரி, சிந்து பைரவி
உன் நடிப்பு பயணத்தில் மகுடம் சூடின
மார்க்கண்டேயன் எனப் பெயர்கொன்டவனே
மாய உலகில் மாசற்று நின்றவனே - எதுவும்
முடித்த எண்ணம் உன்னில் வரவில்லை
தேடல் வாழ்க்கையின் தூண்டுகோல் அல்லவா
தேடல் உனக்குள் தொடங்கியது
ஓவியன் நான்
ஓவியத்தில் சரித்திரம் படைக்கவில்லை
நடிகன் நான்
நடிப்பிற்கு நான் இலக்கணம் இல்லை
உன்னை நீயே ஆய்ந்து கொண்டாய்
உனக்குள் பிறந்தது உண்மை ஞானம்
கசடான பழைய புகழை சுமக்காதே
கடக்க வேண்டிய தூரம் வெகுதூரம்
காசுக்காய் அடுத்தவன் வசனம் பேசியது போதும்
உனக்கு நீயே எசமான்
உனக்கு நீயே படைப்பாளி
உனக்குள் எழுந்ததால் இவ்வெண்ணம்
உன் பார்வையில் விழுந்தது இலக்கிய வண்ணம்
மேடைகள் ஏறி முழங்கத்தொடங்கினாய்
பேச்சில் சொல் அலங்காரம் இல்லை
வீச்சில் உண்மை உறைந்து இருந்தது - அதனால்
எம்மவர் உள்ளத்தில் அது நிறைந்தது
இலக்கியம் இறைநம்பிக்கை
மனித நேயம் மனவளம் என
உன் உரை கரை புரண்டு ஓடியது
இது "ராஜ பாட்டை அல்ல" என் நூல் எழுதி
எழுத்தாளன் எனும் பட்டயம் சேர்த்தாய்
உமை ஒரு பாகமாய் கொண்ட சிவன் போல்
உன் வாழ்க்கை துணைவியாய் இலக்குமியை ஏற்றாய்
முத்தமிழ் போல் மூன்று பிள்ளைகள் ஈன்றாய்
அவர் எண்ணியதை திண்ணியமாக்கி
ஏற்பு அடைய நல வித்திட்டாய்
சொன்னதைச் செய்யும் செயல் வீரன் நீ
சிவக்குமார் கல்வி அறக்கட்டளையை அமைத்து
ஏழை எளிய மக்கள் உயர
கல்விக் கட்டணம் உகந்து ஈன்றாய்
உன் அகரம் இன்று சிகரம் தொட்டது
நீயே நிரந்தரம் என்றாய் உனக்குள்
மனமே நம் வினை ஊக்கி - அதனால்
வனப்பு சற்றும் குறையாமல்
வாலிபத்தை வசியம் செய்தாய்
இதுவும் கடந்து போகும் என்ற
கீதையின் உன்னத வாக்கிற்கு
உயிரோட்டமும் நீயே தந்தாய்
ஏழையாய்ப் பிறந்தாய்
எளியவனாய் வாழ்ந்தாய்
ஓவியனாய் பயணித்தாய்
நடிகனாய் முத்திரை பதித்தாய்
மனிதனாய் இத்திரை மதித்தாய்
தனிமையை ரசித்தாய்
சக மனிதனை நேசித்தாய்
மறை கூறும் முறை கொண்டு வாழ்பவனே
கரை அற்ற திரையுலகில் வரை கொண்டு நின்றவனே
பறை அடித்து உன் புகழைப் பாரெல்லாம் நான் உரைக்க
திருமுறை நான் படைத்துவிட்டேன்
மறுமுறை நீ பிறந்தாலும் - இப்புவி
புகழுரைக்கும் சிவக்குமாராய்ப் பிறப்பாய்
வாழ்க நீ பல நூற்றாண்டு
வான் புகழும் வள்ளுவம் போல்!
அமுதா அம்மு

அரியப்பம்பாளையம் பேரூராட்சி கரட்டூரில் மழைக்கால எச்சரிக்கை நடவடிக்கைகள்.

நம்ம கரட்டூர் வார்டு உறுப்பினரை  வாழ்த்துவோம் வாங்க..
மரியாதைக்குரியவர்களே,
                        வணக்கம். கொங்குத்தென்றல் வலைப்பக்கத்திற்கு இனிதே வரவேற்கிறேன்.
 

 ஈரோடு மாவட்டம் அரியப்பம்பாளையம் பேரூராட்சி ஐந்தாவது வார்டு உறுப்பினர் திரு.கிருஷ்ணகுமார் அவர்கள் பள்ளத்து கழிவு நீரை வெளியேற்ற JCB இயந்திர ஓட்டுநருடன் ஆலோசனை செய்த காட்சிங்க...

         ஈரோடு மாவட்டம்-சத்தியமங்கலம்-அரியப்பம்பாளையம் பேரூராட்சிக்குட்பட்ட ஐந்தாவது வார்டு கரட்டூரில் வார்டு உறுப்பினர் கிருஷ்ணகுமார் அதாவது நாங்கள் செல்லமாக அழைக்கும் ராஜேந்திரன் அவர்கள்  ஜேசிபி இயந்திரத்துடன் பள்ளத்தில் அடைத்துள்ள புதர்களை அகற்றிய காட்சி..

பெரியகுளம் உடைப்பு ஏற்பட காரணமும்-எடுக்க வேண்டிய தடுப்பு நடவடிக்கையும்

 அரசு உரிய நடவடிக்கை எடுக்குமா???.....
ஈரோடு மாவட்டம் - சத்தியமங்கலம்-வரதம்பாளையம் கிராமம்-பெரியகுளம் உடைப்பு ஏற்படக் காரணமும்?  மேற்கொள்ள வேண்டிய தடுப்பு நடவடிக்கையும்!..
            
                 மரியாதைக்குரியவர்களே,
                வணக்கம். கொங்குத்தென்றல் வலைப்பக்கத்திற்கு தங்களை இனிதே வரவேற்கிறேன். 
                   
                           கடந்த வாரம் பெய்த மழையால் சத்தியமங்கலம்-பெரிய குளம் உடைப்பு ஏற்பட்டு ஏராளமான விவசாய பூமிகள் பாதிக்கப்பட்டுள்ளன.இதுவரை இல்லாத அளவு தற்போது மட்டும் ஏன் ?.இவ்வாறு பாதிப்புக்குள்ளானது.
            இனிவருங்காலங்களில் அரசு எடுக்கவேண்டிய தடுப்பு நடவடிக்கை என்ன?என்பது பற்றி என்னறிவுக்கு எட்டியவரை பதிவிட்டுள்ளேன்.
  சத்தியமங்கலத்திலுள்ள பெரியகுளம் பகுதிக்குட்பட்ட   விவசாயிகள் கடன் வாங்கி பயிரிட்டு வருடம் முழுவதும் பாதுகாத்திருந்து அறுவடை நேரத்தில் வெள்ளத்தால் அடித்துச்செல்லப்பட்டு பெரும் பாதிப்புக்குள்ளானவர்களை  நேரில் சென்று பார்க்கும்போது மிகவும் வேதனையாக உள்ளது.
  

             மாண்புமிகு அமைச்சர் தோப்பு வெங்கடாச்சலம் மற்றும் நமது ஈரோடு மாவட்ட ஆட்சியர் மற்றும் மாவட்ட ஊராட்சித்தலைவர் S.R.செல்வம் அவர்கள் பெரியகுளம் சாலையை சீரமைக்கும் பணியினை பார்வையிட்டுள்ளனர்.பெரியகுளம் மக்கள் சார்பாக நன்றிகளை தெரிவித்துக்கொள்கிறேன்.

             சத்தியமங்கலம்- பெரியகுளத்திற்கு நீர்பிடிப்பு பகுதியான தனவாசி கரடு உட்பட அப்பகுதி மலைப்பகுதியிலிருந்து வரும் நீர்வரத்துப்பகுதி மிக அதிக பரப்பளவைக்கொண்டது. இந்த பரப்பிலிருந்து வரும் தண்ணீர் எளிதாக கடந்துசெல்ல கீழே காட்டப்பட்டுள்ள  ஒரு கண்மாய் பாலம் போதுமானதாக இல்லை? தரைமட்ட பாலத்தை உயர்த்திய அரசு அதிகாரிகள் இதனை கவனித்திருக்க வேண்டும்.இதனால் பின்நாட்களில் மழைநீர் பெருக்கால் ஏற்படும் சேதம் பற்றிய அக்கறை எடுத்து இருக்க வேண்டும்.

     பெரியகுளத்திற்கு வரும் நீர்வரத்து அனைத்தும் உபரியாக வெளியேற இந்த சிறிய கண்மாயில்தான் புகுந்து செல்ல வேண்டும்.ஏற்கனவே கட்டமைப்பில் உள்ள உபரிநீர் வெளியேற்றப்பகுதி கீழே உள்ள படம்.

         மேற்கண்ட படம் உபரி நீர் வெளியேறும் பகுதி.கிழக்கு கடைசியில் அமைந்துள்ளது.ஆனால் உடைப்பு ஏற்பட்டது உறுதியாக இருக்கவேண்டிய குளத்தின் மேற்கு கரைப் பகுதி.
         எனது எண்ணப்படி இதற்கு காரணம் 
(1)குளத்தின் கரையின் மேற்கு பகுதி அகலமில்லாதது.மற்றும் வலுவற்றது.(2)சரியான திட்டமிடல் இல்லாமல் நீர்வரத்து உபரியாக செல்ல போதிய பாதை இன்றி தடுக்கும்விதமாக குளத்தின் நடுவே தார்ச்சாலை உயர்த்திப் போடப்பட்டது .

                      பெரிய குளத்தை துண்டாக்கிய தார்ச்சாலை போட்டுள்ள காட்சியை பாருங்க.மேல் படம் ஏறக்குறைய தடுப்பு சுவரைப்போல் போடப்பட்டுள்ளது..
இவ்வாறு உபரிநீரை வெளியேற்ற இடமில்லாமலும் சரியான திட்டமிடல் இல்லாமலும் தார்ச்சாலை அமைத்திட அனுமதியளித்த சம்பந்தப்பட்ட அரசு அதிகாரிக்கு வணக்கங்கள் பல சொல்ல வேண்டும்...

  இந்த தார்ச்சாலை வழியாகவும்  அதிகமான தண்ணீர் வெளியேறியுள்ளது. இருந்தாலும் கீழ்கண்ட படத்தில் உள்ள மேற்குப்பகுதி கடைசியில் உடைப்பு ஏற்பட்டு அதிக விளைநிலங்களில் சேதத்தை ஏற்படுத்தி உள்ளது.

                (இப்படத்தை கொடுத்துதவிய சத்தியமங்கலம் செய்திகள் நண்பருக்கு நன்றிகள் பல.) பெரியகுளத்தின் நீர்வரத்து உபரியை தார்ச்சாலை தடுத்த காரணத்தால் தண்ணீர் கிழக்குப்பகுதிக்கு செல்வதை விட்டுவிட்டு மேற்கு பகுதியிலேயே எதிர்த்து தோட்டத்தினுள் புகுந்து கரையை உடைத்து வெளியேறிய காட்சி...எனது உடல்நலக்குறைவினால் அன்றையதினம் சம்பவ இடத்திற்கு செல்ல இயலவில்லை.
   

 குளத்தின் கிழக்கு கடைசியில் உபரி நீர் வெளியேறும் பகுதியின் அகலத்தை நீங்களே கவனியுங்கள்..ஏறக்குறைய 150அடி இருக்கும் என நினைக்கிறேன்.இத்தனை தண்ணீரும் கீழ் கண்டுள்ள  25அடி கண்மாய் பாலத்தில் உட் புகுமா?

   புதியதாக கட்டப்பட்டுள்ள பாலத்தின் கண்மாய் பாதையில் மண்மேடும் தடுப்புகளும் உள்ளன.இதையாவது சரிப்படுத்தி இருக்க வேண்டும்.                    
                தார்ச்சாலையிலும் தண்ணீர் வெளியேறியும் அதனையும் மீறி உடைப்பு ஏற்பட்டுள்ளது.அதனால் தண்ணீரை தடுத்து குளத்தை உடைத்துவிட்டது.
 

       ( மழையால் வந்த காய்ச்சல்தாங்க!.  நான் சென்று பார்வையிட்ட இன்றைய தினமும் (30.10.2014) எனக்கு  இன்னும் உடல்நிலை சீராகவில்லை .....)


                       

பெரிய குளத்தின் கரையில் விரிசல் ஏற்பட்டு ஆபத்தான நிலையில் உள்ளது.படம் எடுத்த தேதி -30.10.2014 கரை விரிசல் பற்றிய விவரம் எனது காணொளியில் காண்க..

 
        பெரியகுளத்தின் பரப்பளவு சுமாராக 185 ஏக்கர் இருக்கலாம்.முப்பதிலிருந்து ஐம்பது அடி ஆழமாகவும் இருக்கலாம்.பெரிய குளத்தின் கரை கிழக்கிலிருந்து மேற்காக சுமார் மூன்று அல்லது நான்கு கிலோமீட்டர் நீளம் இருக்கலாம்.முழுவதும் மண்ணால் போடப்பட்ட கரை இது.
             ஏனோ தெரியவில்லை கிழக்கிலிருந்து மேற்கு வரை அகலமாக அதாவது பத்து முதல் பதினைந்து அடி அகலமாகப் போடப்பட்ட மண்கரை மேற்கு பகுதியில் மட்டும்  அரைகிலோமீட்டர் நீளத்திற்கும் அதிகமாக இரண்டு அடி அகலத்தோடு நிறுத்திவிட்டார்கள்.அதுவும் இளகிய மண்ணால் போடப்பட்டுள்ளதும் உடைப்பிற்கு காரணம் ஆகும்.
           மேலும், அந்த மண்கரை விரிசல் ஏற்பட்டு அபாயமாக உள்ளது.இனியும் உடையலாம்.பேராபத்தை நிகழ்த்தலாம்.
             அடுத்து குளத்தின் நடுப்பகுதியில் ஏற்கனவே சென்றுகொண்டிருந்த தார்ச்சாலை தரைமட்டமாகத்தான் இருந்தது.அந்த தார்ச்சாலையை மேம்படுத்திய போது கரைக்கு மட்டமான உயரத்தில் தண்ணீரை தடுக்கும் வகையில் தார்ச்சாலையை போட்டதும் உடைப்பிற்கு காரணமாகும்.
                  அவ்வாறு கரைமட்டத்திற்கு போடப்பட்ட தார்ச்சாலையின் குறுக்கே கட்டப்பட்டுள்ள பாலத்தில் இருபத்தைந்து அடி அகலமுள்ள கண்மாய் மட்டும் விடப்பட்டிருப்பதும் குளம் உடைய காரணம்.
                அதாவது நீர்பிடிப்பு பகுதி தனவாசி கரடு உட்பட மலைப்பகுதி மழைநீர் முழுவதும் குறுக்காக போடப்பட்ட தார்ச்சாலையின் மேற்கு பகுதியிலிருந்துதான் நீர்வரத்துவருகிறது.
               அவ்வாறு வரும் நீர் வரத்தானது உபரி நீர் வெளியேற்றும் கிழக்குப்பகுதிக்கு கடந்துசெல்ல போதுமான அகலம் இல்லாததும் குளம் உடைப்பிற்கு காரணம் ஆகும்.உபரி நீர் வெளியேற்றும் மடைப்பகுதி அகலம் 150அடிக்கும் அகலமாக இருக்கும்போல் தோன்றுகிறது.ஆனால் பாலத்தின் கண்மாய் 25அடிதான் இருக்கும்போல் உள்ளது.அவ்வாறானால் எப்படி தண்ணீர் வெளியேற்றப் பகுதிக்கு செல்ல முடியும்.

                போக்குவரத்திற்கான சாலை மேம்பாடு அவசியம்தான்.அதற்காக நீர்வரத்தை தடுக்கும்படி கட்டமைப்பை செய்தவிளைவு இன்று எத்தனை விவசாய நிலங்கள் பாழ்பட்டுள்ளன.உபரி நீர் வெளியேறும் பகுதியின் அகலத்தைப்போன்று அல்லது 100அடி அகலமாவது பாலத்தின் கண்மாய்கள் கட்டியிருக்க வேண்டும்.ஏற்கனவே கட்டப்பட்டுள்ள பாலத்தின் கண்மாயில் தண்ணீர் செல்லும் பாதையை தடுக்கும் மண் மேட்டினை அகற்ற வேண்டும்.அந்த ஒரே கண்மாய் பாதையில் தடுப்பாக மண்மேடு இருப்பதும் தண்ணீரை தடுத்து கரையை உடைத்துள்ளது.இதனையும் அதிகாரிகள் கவனிக்க வேண்டும்.
            அடுத்து மேற்குப்பகுதி கரை அகலம் மிகக்குறைவாக அமைக்கப்பட்டுள்ளது.மற்றும் உறுதியற்ற நிலையில் போடப்பட்டுள்ளது.
                  தற்போதும் இன்றைய (30.10.2014) எனது பார்வையின்படிவிரிசல் ஏற்பட்டு அபாயமாக உள்ளது.அதனையும் அதிகாரிகள் கவனிக்க வேண்டும்
 தேவையான தடுப்பு நடவடிக்கைகள்;
        முதலில் தெற்குப் பகுதியிலுள்ள மண்கரையினை  கிழக்கிலிருந்து மேற்கு வரை ஒரே அளவான அகலத்தில் உறுதியான மண்ணிட்டு கரையை பலப்படுத்த வேண்டும்.
      குளத்தின் குறுக்கே செல்லும் தார்ச்சாலையின் பாலத்தை இன்னும் அகலமாக்கி கூடுதலாக உபரிநீர் வெளியேறும் பகுதியின் அகலத்தின் அளவுக்கு தார்ச்சாலையின் குறுக்கே கட்டப்பட்டுள்ள பாலத்தில்  அதிக கண்மாய்கள் அதாவது 100அடி அகலமாவது தண்ணீர் வெளியேறுமாறு பாலத்தை சீர்படுத்தவேண்டும்.
   தார்ச்சாலையின் குறுக்காக கட்டப்பட்டுள்ள பாலத்தின் 25அடி அகல கண்மாய் கண்டிப்பாக போதாது.இந்நிலை நீடித்தால் இனி வருங்காலங்களிலும் அழிவிலிருந்து மீளமுடியாது..கரையை இன்னும் உயர்த்த வேண்டும்.உபரிநீர் வெளியேறும் பகுதியின் அளவு இன்னும் ஒருமுறை ஆய்வு செய்தாவது மேல்படி நடவடிக்கை  எடுக்க வேண்டும். பெரியகுளம் பகுதிக்குட்பட்ட 
          விவசாய நிலங்களை காக்க வேண்டும்.
          விவசாயிகளை காக்க வேண்டும்.
             நீர் ஆதாரத்தை காக்க வேண்டும்.
                        செய்வார்களா?....

வலைப்பதிவு இலவசமாக துவங்க விருப்பமா?

மரியாதைக்குரியவர்களே,
                     வணக்கம். கொங்குத்தென்றல் வலைப்பக்கத்திற்கு தங்களை அன்புடன் வரவேற்கிறேன். தமிழில் இலவசமாக வலைப்பதிவு,வலைப்பூ,வலைப்பக்கம்,blogspot., தொடங்க இதோ சிறப்பான எளிதான வழிகாட்டுதல் பதிவு செய்து உள்ளார்.மதுரைக்காரர்  திரு.தமிழ்வாசி பிரகாஷ் அவர்கள்.ஐயா அவர்களது http://www.tamilvaasi.com/2014/10/2014.html? வலைப்பக்கத்தில் சென்று படியுங்க...
               .உதாரணமாக வலைப்பதிவு தொடங்கும் வழிகாட்டுதல் தொடரின் முதல் பாகம் இதோ..

வலைப்பூ துவங்கி எழுத ஆர்வமா? இதோ வழிகாட்டுதல் தொடர், பாகம்-1

வணக்கம் வலை நண்பர்களே,

வலைப்பூ என்பது ஆங்கிலத்தில் (ப்ளாக் Blog) என அழைக்கப்படும் ஓர் கருத்துப் பரிமாற்ற இலவச இணைய பக்கம் ஆகும். இந்த வலைப்பூ பற்றி நிறைய நண்பர்கள் தெரிந்தோ/தெரியாமலோ வெறும் கணக்கு மட்டுமாவது துவங்கி வைத்திருப்பார்கள். வலைப்பூவை தெரிந்தவர்கள் முறையாக எவ்வாறு பயன்படுத்துவது என தெரியாமல் இருக்கலாம். தெரியாதவர்களுக்கு முதலில் எங்கிருந்து ஆரம்பிப்பது, அதில் என்ன செய்வது? வலைப்பூவை அமைப்பது எப்படி என நிறைய கேள்விகள் எழும்.

இப்படி வலைப்பூவைப் பற்றி அறிந்தவர்களுக்கும், அறியாதவர்களுக்கும் என்னால் இயன்ற அளவு ஓர் எளிமையான வழிகாட்டுதலை என் அனுபவத்தின் மூலம் இக்கட்டுரைத் தொடர் வழியாக உங்களுக்கு அறியத் தருகிறேன்.

வலைப்பூ வசதியை Blogger, Wordpress என்ற இரண்டு தளங்கள் தருகின்றன. இவற்றில் நாம் Blogger மூலம் உள்ள வலைப்பூ பற்றியே பார்க்க போகின்றோம். 

1. Gmail account தேவை. Account துவங்க இங்கு செல்லவும்.

அந்த account மூலமாகவே Blogger தளத்திலும் உள் நுழைய முடியும்.

2. உள் நுழைந்த பின் new blog என்பதை க்ளிக் செய்தால் கீழே உள்ளவாறு ஒரு விண்டோ ஓபன் ஆகும்.

3. மேலே உள்ள படத்தில் title என்ற கட்டத்தில் உங்கள் வலைப்பூவின் பெயரை கொடுக்கவும். "இணையப் பூங்கா" என நான் கொடுத்துள்ளேன்.

4. அடுத்து address என்ற கட்டத்தில் வலைப்பூவிற்கான தள பெயரை தரவும். நான் netpoonga என கொடுத்துள்ளேன். நீங்கள் தரும் பெயர் ஏற்கனவே Blogger-ல் இருந்தால் Sorry, this blog address is not available என காட்டும். எனவே, நீங்கள் வேறு பெயரை தேர்வு செய்ய வேண்டும். உங்களது பெயர் இருந்தால் This blog address is available என காட்டும். 

குறிப்பு: Title மற்றும் Address-ஐ தேர்ந்தெடுப்பதில் மிகுந்த கவனம் கொள்ளுங்கள். Title என்பது வலைப்பூவிற்கான தலைப்பு, அதாவது வலைப்பூவின் முகப்பு பகுதியில் மேலே காட்டக்கூடியது. Address என்பது வலைப்பூவிற்கான முகவரி. அதாவது வலைப்பூவின் URL Name. பெரும்பாலும் Title/Address இரண்டிலும் ஒரே பெயர் வரும்படி அமையுங்கள். Title ஒரு பெயர், Address ஒரு பெயர் என வைத்தால் வாசகர்கள் குழப்பமடைய வாய்ப்பு உள்ளது. Title தமிழில் இருந்தால் Addressஐ ஆங்கில மொழிபெயர்த்தும் வைக்கலாம். அதாவது, இரண்டும் ஒன்றுக்கொன்று சம்பந்தமில்லாமல் வைக்க வேண்டாம் என்பதில் கவனம் கொள்க.

5. Template என்ற பகுதியில் simple என்ற டெம்ப்ளேட்டை தேர்வு செய்து create blog என்பதை க்ளிக் செய்யதால் உங்களுக்கான வலைப்பூ ரெடி.

குறிப்பு: வலைப்பூவிற்கான டெம்ப்ளேட் அமைக்க இணையத்தில் நிறைய டெம்ப்ளேட்கள் இலவசமாக கிடைகின்றன. நாம் இப்போது ப்ளாக்கர் வழங்கும் டெம்ப்ளேட்டை எடுத்துக் கொள்வோம். ஏனெனில் ஒரு பத்து இடுகை(post) வரையாவது பிளாக்கர் வழங்கும் டெம்ப்ளேட்டை பயன்படுத்திய பின், நமக்கு தேவைப்படும் இணைப்புகளை இணைத்த பின்னர், மற்றைய டெம்ப்ளேட்டை அந்த வலைப்பூவிற்கு அமைப்பது மிக நல்லது.

 நண்பர்களே, வலைப்பூ தொடங்கியாச்சு. இனி என்ன செய்வது என்பதை அடுத்த பாகத்தில் பார்ப்போமே!