தமிழியக்கம்,அரியப்பம்பாளையம் பேரூராட்சி தொடக்கவிழா-15-12-2024

 

தமிழியக்கம், அரியப்பம்பாளையம் பேரூராட்சி .

                                          தமிழியக்கம், அரியப்பம்பாளையம் பேரூராட்சி                  சத்தியமங்கலம்-638402 .

                               தொடக்கவிழா

 

நிகழிடம்;

                        ஸ்ரீராஜவிநாயகர்கோவில்,

                                  ரோஜா நகர்.

நாள்;               15 - 12 - 2024 ஞாயிறு 

  நேரம்;           காலை 10. 00 மணி

                          தமிழ்த்தாய் வாழ்த்து 

வரவேற்புரை: 

செல்வி.அக்‌ஷயாகிருஷ்ணமூர்த்தி,

 தலைமை: 

எழுத்தாளர்.கவிதா ஈஸ்வரன் M.A.,B.Ed.,M.Phil.அவர்கள்

படைப்பாளர்அணி ஒருங்கிணைப்பாளர்,,

குத்துவிளக்கேற்றி  தொடங்கிவைத்து வாழ்த்துரை;

  மருத்துவர்.பி.ஜெ.அனூப்,தமிழியக்கம்,கோவை மண்டல செயலாளர்.

கவிஞர்.பவளசங்கரி, தமிழியக்கம்,ஈரோடு மாவட்ட செயலாளர்.

தமிழ்ச்செம்மல்.உமையவன், சிறுவர் இலக்கிய எழுத்தாளர்.

தொல்லியல் ஆய்வாளர்.பௌசியா இக்பால், எழுத்தாளர்

 SKY யோகா அறிவழகன் துணைப் பேராசிரியர், 

      வேதாத்திரி மகரிஷி யோகா தவமையம்,   சத்தியமங்கலம்.

 திட்டங்கள் அறிக்கை வாசிப்பு; 

                                  செ.பரமேஸ்வரன்(சிபிசாரதி)

 நன்றியுரை: 

                    திரு.ந. வேலுசாமி அவர்கள்.(ரிப்போர்ட்டர் வேலு)

                                              நாட்டுப்பண்

 நிகழ்ச்சித் தொகுப்பு: 

                                   முனைவர்;.உமா மகேஸ்வரி அவர்கள்,

                                                   மற்றும் V.இலக்கியன் .

                                        தமிழியக்கம்,

                   அரியப்பம்பாளையம் பேரூராட்சி

                             (ஈரோடு மாவட்டம்)

(1)  செயலாளர்: 

                           திரு.செ.பரமேஸ்வரன்,  (சிபிசாரதி)

 (2)  இணைச் செயலாளர் :

                       திரு.N.வேலுசாமி       (ரிப்போர்ட்டர் வேலு)

(3)  துணைச் செயலாளர்:

                  செல்வி. அக்‌ஷயா கிருஷ்ணமூர்த்தி B.B.A(RM) MSW.,

(4)  துணைச் செயலாளர்:

                    திரு.R.நாகராஜன்,

(5)  பொருளாளர்:

                 திரு.K.சுரேஷ்குமார்,

(6)  செய்தித் தொடர்பாளர்: 

                             திரு. K.வேல்முருகன்  MBA,  

(7) மாணவர் அணி ஒருங்கிணைப்பாளர்:

                 செல்வன்: V.இலக்கியன் 

(8) வாசிப்பு அணி ஒருங்கிணைப்பாளர்: 

                 திருமதி: மணிமேகலை பன்னீர்செல்வம்  M.A.,M.Phil.,B.Ed.,

(9) பேரூராட்சி ஒருங்கிணைப்பாளர்:

                முனைவர்.S.K.உமா மகேஸ்வரி,  M.A.,M.Ed.,M.Phil.,DCS.,Ph.D.

(10)இளைஞர் அணி ஒருங்கிணைப்பாளர்:

                               Rtn.தாமோதரன்.மோ. 

(11)  மகளிரணி ஒருங்கிணைப்பாளர்:

                                 திருமதி: மூ.கனகவள்ளி   B.A., 

(12)  சூழல் அணி ஒருங்கிணைப்பாளர்:

                            திரு.ரா.மாதேஸ்வரன்     DME.,PGDCA.,AST., 

(13)  ஆன்மீக அணி ஒருங்கிணைப்பாளர்:

                        திரு. புவனேஸ்வரன்      M.A., 

(14)  படைப்பாளர் அணி ஒருங்கிணைப்பாளர்:

                          எழுத்தாளர்.கவிதா ஈஸ்வரன்    M.A.,B.Ed.,M.Phil.

(15)  செயற்குழு உறுப்பினர்:

                   திரு.அ.ஆறுமுகம்   DEEE ஆசிரியர்.

(16)  செயற்குழு    உறுப்பினர் 

                     திரு.ஸ்ரீக்காந்த்    B.E., 

(17) செயற்குழு உறுப்பினர் 

                   அரிமா.K.லோகநாதன் , 

(18) மாணவ உறுப்பினர்கள்; 

                            செல்வி. மகிழினி ,  

                           செல்வி.ரித்திக்கா,

                           செல்வி.ஜோஷிகா,

                         செல்வன்.வைசாக்.

---------------------------------------------------------------------------

 

கொளப்பலூர் இலவச கண் சிகிச்சை முகாம் ஒரு அலசல்...

 

கொளப்பலூரில் முகாமிட்டு நடத்தப்பட்ட  இலவச கண் சிகிச்சையும்....

தேவைகளும்...

23-11-2024 சனிக்கிழமை இன்று கொளப்பலூர் சமூக ஆர்வலர்கள் இணைந்து ஸ்ரீகாளீஸ்வரா ரைஸ்மில் வளாகத்தில் இலவச கண்சிகிச்சை முகாம் நடத்தினர்.குன்னூர்- மேட்டுப்பாளையம் GMகண் மருத்துவமனையிலிருந்து 15 நபர்கள் அடங்கிய  மருத்துவக்குழு போதிய உபகரணங்களுடன் ஆம்னி பேருந்தில்  வருகைபுரிந்து காலை8.00 மணியிலிருந்து மதியம் 1.00 மணிவரை கண்பரிசோதனை செய்தது.சமூக ஆர்வலர்களாக திரு.MG என்கின்ற K.P.முத்துச்சாமி அவர்கள் தலைமையில் தேனீ பார்த்திபன்,EBசந்தரசேகரன், PTAராமன், இராம.இளங்கோவன், K.முருகன், ஜவஹர் ராஜா, P.கோபால், ஸ்ரீவெங்கடேஸ்வரா பவர்பிரஸ் குமரேசன், வசந்தம்எடைநிலையம் பழனிச்சாமி, கேமரா குமரேசன், காளீஸ்வரன் மகன் சீனிவாசன் உட்பட பலர் களமிறங்கி தீவிரமாக பணியாற்றினர்.பேரூராட்சி மன்றத் தலைவர் அவர்கள் உத்தரவின்பேரில் தூய்மைப்பணியாளர்கள் களமிறங்கி மக்களின் நலன் கருதி முகாம் சுற்றுப்பகுதிகளில் சுத்தப்படுத்தி மருந்துதெளித்து  சுகாதாரப்படுத்தியிருந்தனர்.100 க்கும் அதிகமானோர் கண்பரிசோதனை செய்துகொண்டனர். 36 நபர்களுக்கு கண்புரை அறுவைசிகிச்சை தேவைப்பட்டது.இவர்களில் 15 நபர்களுக்கு சர்க்கரை அளவு அதிகமாக இருந்த காரணத்தால் சர்க்கரை அளவு குறைத்தபிறகு கண்புரை அறுவை சிகிச்சை செய்யலாம் என தவிர்க்கப்பட்டு மற்ற 21 நபர்கள் கண்புரை அறுவை சிகிச்சைக்காக GMகண் மருத்துவமனைக்கு சொந்தமான  பேருந்தில் மேட்டுப்பாளையம் அழைத்துச்செல்லப்பட்டனர். 

 

இலவச கண் சிகிச்சை முகாம் - 2024

கொளப்பலூரில் 

 கடந்த 23-11-2024 சனிக்கிழமையன்று  சமூக ஆர்வலர்கள் இணைந்து நடத்திய கண்சிகிச்சை முகாமில் தேர்வு செய்யப்பட்ட பயனாளிகள் இலவச கண்புரை அறுவை சிகிச்சை முடிந்து கொளப்பலூர் திரும்பியதருணத்தில் வரவேற்று நலம் விசாரித்த சமூக ஆர்வலர்கள் பயனாளிகளாகிய பொதுமக்களை  அவரவர் வீட்டிற்கு அக்கரையோடு அனுப்பி வைத்தனர்.காத்திருந்து வரவேற்று நலம்விசாரித்த சமூக ஆர்வலர்களில் கொளப்பலூர் பேரூராட்சி மன்றத் தலைவர் மரியாதைக்குரிய அன்பரசு ஆறுமுகம் MBA அவர்கள் முன்னின்று கவனம் செலுத்திய நிகழ்வு பாராட்டுக்குரியது 🙏 🙏 🙏

-------------------------------------------------------------------------------------------

கொளப்பலூரில் இலவச கண்சிகிச்சை முகாம்..23-11-2024 சனிக்கிழமை

            கடல்நீர் யாருக்கும் பயன்படாது?  உலகமே அறிந்த விசயம்...

அதேவேளை ,      கங்கைநதியாக இருந்தாலும், காவிரி நதியாக இருந்தாலும் மக்கள் குடிக்க பயன்பட்ட தண்ணீரே புண்ணியம் பெற்ற நீர்...

மக்களின் நலனுக்காக...சமூகப் பணிகளுக்கு உதவியவரே பாக்கியவான் 🙏

அற்கா இயல்பிற்றுச் செல்வம் அதுபெற்றால்
அற்குப ஆங்கே செயல்.   (௩௱௩௰௩ - 333)

          தலைமையுரை ;  திரு.M.G.(எ) K.P.முத்துச்சாமி அவர்கள்

                முன்னிலையுரை; திரு.அன்பரசு ஆறுமுகம் (MBA)அவர்கள்.

                                 முன்னிலையுரை ; திரு. K.S. தங்கராஜ் அவர்கள்,

                                கண் சிகிச்சைமுகாம் ஒருங்கிணைப்பாளர். 

                                                 திரு. நடராஜன் அவர்கள்.

                                                  திரு. செ.பரமேஸ்வரன்

            ஸ்ரீகாளீஸ்வரா ரைஸ்மில் வளாகத்தில் கண் பரிசோதனை....

இதழியல் அறிவோம் தொடர் 17 முதல் 22 வரை

 😊

18-11-2024

இதழியல் அறிவோம்.

தொடர் - 17

(செய்தியாளர் C.பரமேஸ்வரன்)

இதுவரையிலான 16 தொடர்களையும் எமது https://konguthendral.blogspot.com வலைப்பக்கத்தில் பார்வையிடலாம்.🙏

இந்த தொடரில்...

 செய்தியாளர்களை அவர்களுடைய பணி இயல்பினைப் பொறுத்து பலவகைப்படுத்தலாம்.

(1) நகரச் செய்தியாளர்கள் : செய்தித்தாள் வெளியிடப்படுகின்ற  இடத்தில் செய்திகளை திரட்டுபவர் நகர அல்லது உள்ளூர் செய்தியாளர் என்கின்றனர்.

(2) நகர்ப்புறச் செய்தியாளர்: மாவட்டங்களின் தலைநகரில் இருந்துகொண்டு செய்திகளைத் திரட்டி அனுப்புவோர் நகர்ப்புற செய்தியாளர் எனப்படுகின்றனர்.

(3) தேசியச் செய்தியாளர்: நாட்டின் மாநிலங்களின் தலைநகரங்களில் இருந்துகொண்டு செய்திகளைத் திரட்டித் தருபவர் தேசியச் செய்தியாளராவார்.

(4) வெளிநாட்டுச் செய்தியாளர்: வெளிநாடுகளில்

தங்கி உலகச் செய்திகளைத் திரட்டித் தருகின்ற பணியைச் செய்பவர் வெளிநாட்டுச் செய்தியாளர் ஆவார்.

பொதுவாக ஒரு செய்தித்தாளில் நேரடிப் பணியாளராக இல்லாமல் அனுப்புகின்ற செய்திகளுக்கேற்ப பணம் வாங்குபவர்களை, " பகுதிநேர செய்தியாளர்" எனப்படுகின்றனர்.

ஒரு இதழின் முழுநேர செய்தியாளராக இருந்துகொண்டு செய்தி திரட்டுபவரை ," செய்தியாளர்" என்கின்றனர். நாடாளுமன்றசெய்திகளையும் சட்டமன்ற செய்திகளையும் வழங்குபவர்," மன்றச் செய்தியாளர்" எனப்படுகிறார்.

ஒரு குறிப்பிட்ட நிகழ்ச்சியையோ, வெளிநாடு செல்லும் தலைவர்களைத் தொடர்ந்து சென்று செய்தி திரட்டுபவரோ, எல்லோரும் அறியும்வகையில் நாட்டு நடப்புகளைப் பற்றிய செய்திகளைத் திரட்டித் தருபவர், " சிறப்புச் செய்தியாளர்" எனப் பெயர் பெறுகின்றார்.

 செய்தியாளர்களைச் செய்யும் தொழில்திறமையின் அடிப்படையிலும் வகைப்படுத்துவதும் உண்டு.

(1) பார்ப்பதை அப்படியே எழுதுபவர் "செய்தியாளர்" எனவும், (2) பார்த்தவற்றுடன் தன்னுடைய ஊகத்தினையும் சேர்த்துத் தருபவர்," விளக்கச் செய்தியாளர்" எனவும், 

(3)பார்க்காதவற்றைக்கூட அதன் பொருள் இன்னதுதான்! என்று தீர்மானித்து அதனையும் உண்மைச்செய்தியாகவே திரட்டி நயம்படத்  தருபவர்," செய்தி வல்லுநர்" எனவும் வகைப்படுத்திக் கூறுவர்.

தொடரும்...

19-11-2024

இதழியல் அறிவோம்.

தொடர் - 18

செய்தியாளர் பணிகளும், பொறுப்புக்களும்...

 செய்தியாளர் தகவல்களைப் பரப்பும் சமுதாயத் தொண்டாற்றுவதால் சமுதாயக் கல்வியாளராவார்.

(1) கடினமான பணி:  ஒருசெய்தி எங்கிருந்து எப்போது எப்படி வெடித்துச் சிதறும்? என்று கணிக்கமுடியாது ஆகையால் 24 மணிநேரமும் விழிப்போடு செய்திகளை எதிர்பார்த்து தேடி அரிய வேண்டும்.

 கல்வி, தூங்காமை, துணிவுடைமை உள்ள செய்தியாளர்கள் கருமமே கண்ணாக உழைத்தால் சிறப்பான செய்திகளைத் திரட்டித் தந்து புகழ்பெற முடியும்.

(2) ஆபத்தான பணி : செய்தியாளர்கள் பணி உண்மைகளை மக்களுக்கு வெளிச்சம்போட்டு காட்டும் பணியாதலால் அதனால் பாதிக்கப்பட்டவர்களால் கடுமையான தாக்குதலுக்கு ஆளாகும் நிலையும் வரலாம்.செய்தியாளர்கள் சுட்டுக்கொல்லப்பட்ட நிகழ்ச்சிகளும் நடைபெற்று உள்ளன.ஆதலால் எதற்கும் துணிந்தவர்களாக இருக்க வேண்டும்.

தொடரும்...

20-11-2024

இதழியல் அறிவோம்.தொடர் : 19.

செய்தி திரட்டும் பணி.

காலத்தோடு போட்டியிட்டு விரைந்து செயல்பட்டு செய்திகளைத் திரட்டும் செய்தியாளரே புகழ்பெறுகிறார்.

எது செய்தியாகும் என்பதை முதலில் தெரிந்தெடுத்து பிறகு அந்த செய்தியின் உண்மைத்தன்மை அறிந்து செய்தி மூலத்தை அணுகி ,செய்தியைத் திரட்டித் தருவது செய்தியாளரின் பணி.

செய்தியைத் திரட்டுவதில் சில நிலைகள் உள்ளன.

(1) செய்தியாளர் தன்னை செய்திக்கு வெளிப்படுத்திக்கொள்ள வேண்டும்.அதாவது செய்திமூலத்தோடு தன்னை நேரடியாகத் தொடர்புபடுத்திக்கொள்ளவேண்டும்.செய்திக்கான நிகழ்ச்சி நடந்த இடத்தை அடைந்து செய்தியை  நேரடியாகப் பெறவேண்டும்.அல்லது செய்திமூலமாக இருப்பவரைச் சந்தித்து செய்தியைப் பெற வேண்டும்.

(2) நடந்தவற்றைப் பார்க்க வேண்டும். விருப்பு வெறுப்பு இன்றி நேரடியாகக் காணக்கூடியவற்றைக் கவனித்து நோக்க வேண்டும்.அப்போதுதான் உண்மைத்தன்மையறிந்து நேர்மையாக எழுத முடியும்.

அறிக்கைகளாகவோ,புள்ளிவிவரங்களாகவோ செய்திகள் கிடைத்தால் அவற்றைப் புரிந்து படித்து அவற்றிலுள்ள செய்திகளை மட்டும் தெளிவானமுறையில் வழங்க வேண்டிய பணியும்  செய்தியாளர் பணியாகும்.

(3) பார்த்தவற்றையும் கேட்டவற்றையும் நினைவில் பதித்துக் கொள்ள வேண்டும்.அதாவது செய்தியாளருக்கு நினைவாற்றல் என்பது கை வந்த கலையாக மாறவேண்டும். முதலில் எழுதப்பட்ட குறிப்புகளை பிறகு விரிவாக எழுதுவதற்கு நினைவாற்றல் துணை செய்கிறது.

 நவீன தொழில்நுட்பங்களையும்,குரல் பதிவுசெய்யும் கருவிகளையும் பயன்படுத்திக்கொள்வது சிறப்பானதாகும்.

(4) கிடைக்கின்ற விவரங்களில் சரியானவற்றைத் தெரிந்தெடுக்க வேண்டும்.எந்தநிலையிலும் செய்தியில் பொய்களைக் கலந்துவிடக்கூடாது.செய்தியாளர்கள் பின்பற்ற வேண்டிய நடைமுறைகளில் முக்கியமானது ஐயத்துக்குரியதை விட்டுவிட வேண்டும்.(When in Doubt, Leave it out) 

(5) நிறைய விவரங்களைச் சேகரித்து இருந்தால் எல்லாவற்றையும் செய்தியாக்க வேண்டியதில்லை.முக்கியமானவற்றையும்,குறிப்பிடத்தக்க மனிதர்களையும் சேர்த்து எதனைப் பெரிதுபடுத்தவேண்டுமோ அதனையறிந்து பெரிதுபடுத்தி பின்னிப் பிணைத்து சுவையான,பயனுள்ள செய்திகளை படைத்துத் தருதல் வேண்டும்.பாமரனும் வாசிப்பாளர் என்பதை மனதில் வைத்து அதற்கேற்ற எளிய நடையில் செய்திகளை தருவது சிறப்பானதாகும்.

தொடரும்...

21-11-2024

இதழியல் அறிவோம் தொடர்- 20

செய்தியாளர் பொறுப்புக்கள்: 

செய்திதாட்களில் வெளியாகும் செய்கள்  அனைத்தையும் அச்சிட்டது உண்மையாகவே இருக்கும்! என மக்கள் நம்புகின்றனர்.இவ்வாறான நம்பிக்கையைக் கட்டிக் காக்கும் சமுதாயப் பொறுப்புள்ள பணி செய்தியாளரின் பணி.

  சில செய்திகள் உண்மையில் நடந்திருக்கலாம்.அதற்கான ஆதாரங்களும் செய்தியாளரிடம் இருக்கலாம்.அந்த செய்திகள் தனி மனிதருக்கோ , சமுதாயத்திற்கோ பாதிப்பைத் தருவதாக இருந்தால் அவற்றை வெளியிடக்கூடாது.உதாரணமாக கற்பழிப்புச் செய்தியில் கற்பழிக்கப்பட்டவரின் பெயரையோ முகவரியையோ வெளியிடக்கூடாது.சித்தரிக்கப்பட்ட போலியான பெயரை குறிப்பிடலாம். அதுபோலவே சாதி,சமயப் பூசல்களைத் தூண்டி சமுதாயத்தின் அமைதியைக் குலைக்கக்கூடிய விவரங்களை வெளியிடக்கூடாது.

முடிந்தவரை தங்களுடைய செய்திமூலங்களை இரகசியமாகக் காப்பாற்ற வேண்டியது செய்தியாளரின் கடமையாகும்.ஆதாரங்களை வெளியிடாமல் வைத்துக்கொள்ள சட்டப் பாதுகாப்பும் இருக்கின்றது.

சில செய்திகளைத் தருகின்றவர்கள் தங்களை வெளிக்காட்டிக்கொள்வதை விரும்பமாட்டார்கள்.நேர்காணல் பேட்டி எடுக்கும்போது ,பேட்டி தருபவர் வெளியிட வேண்டாம் என்ற குறிப்பினை செய்தியில் சேர்க்கக்கூடாது.

செய்தியாளர் தான் ஒரு நிறுவனத்தைச் சார்ந்தவர் என்பதை மறந்துவிடக்கூடாது.தான் சார்ந்திருக்கும் நிறுவனத்தின் நற்பெயரைக் கட்டிக் காக்கவேண்டும். தான் சேகரிக்கும் செய்திகளை தன் நிறுவனத்திற்கே தர வேண்டும்.திரட்டிய செய்திகளை வேறு எந்த வகையிலும் ஆதாயம் கருதி பயன்படுத்தக்கூடாது.

தொடரும்...

22-11-2024

இதழியல் அறிவோம்.

தொடர் : 21

ஒரு சிறந்த செய்தியாளருக்கான சில தகுதிகளையும் பண்புகளையும் அறிந்து கொள்வோம்.

 இதழியலாளர்களுக்குரிய அனைத்து தகுதிகளும் பண்புகளும்(Attributes) செய்தியாளர்களுக்கும் தேவை.

    அவற்றில் முக்கியமானவைகளாக

(1) செய்தி மோப்பத் திறன் ( Nose For NEWS),

 (2) நல்ல கல்வியறிவு,

(3) செய்திகளை சரியாகத் தருதல்,

(4) விரைந்து செயல்படல்,

(5) நடுநிலை நோக்கு,

(6) செய்தி திரட்டும் திறன்,

(7) பொறுமையும் முயற்சியும்,

(8) தனக்கென்ற தனிமுறை,

(9)மக்களின் நல்ல தொடர்புகள்,

(10) நம்பிக்கையைக் கட்டிக் காத்தல்,

(11) நேர்மை ,

(12) சுயதேவை கருதாமை அதாவது கையூட்டு பெறாத குணம்,

(13) செயல்திறன்,

(14) ஏற்கும் ஆற்றல்,

(15) தன்னம்பிக்கை,

(16) இனிய ஆளுமை,

(17) தெளிவாகக் கூறும் ஆற்றல்,

(18) மரபுகளைப் பற்றிய அறிவு,

(19) சட்ட தெளிவு

ஆகிய பண்புகள் தேவை.

இவைதவிர கூடுதலாக அறிவார்ந்த முறையில் பயன்படுத்துவதற்காக  சில கருவிகளும் தேவை.அதாவது மொழியறிவு, தட்டச்சுப் பயிற்சி, சுருக்கெழுத்துப் பயிற்சி, குறிப்பேடு மற்றும் எழுதுபொருட்கள், தகவல் கோப்பு, எதிர்கால நாட்குறிப்பு மற்றும் செய்தியாளருக்குரிய அடிப்படை விதிகள் என இவற்றை அடுத்த தொடர்களில் விளக்கமாக அறிவோம்.

23-11-2024

இதழியல் அறிவோம்,

தொடர் : 22

செய்தி மோப்பத் திறன்.

செய்தியாளர் செய்திகள் கிடைக்கும் இடத்தை மோப்பம் பிடிக்கும் ஆற்றல் பெற்றுஇருக்க வேண்டும்.செய்தியைக் கண்டவுடன் செய்தியாளர்களுக்கு மூக்கு வியர்க்க வேண்டும்.அவர்களது செய்தி உள்ளுணர்வு எப்பொழுதும் விழித்திருக்க வேண்டும்.நல்ல சிறந்த  செய்தியாளர் எப்பொழுதும் செய்திப்பசியோடு காத்திருக்க வேண்டும்.செய்தியை கண்டுகொள்ள விழித்திருப்பவராக இருக்க வேண்டும். செய்தி சேகரிக்கச் செல்லும் முறையில் தனித்திருப்பவராகவும் இருக்க வேண்டும்.

தொடரும்..

இதழியல் அறிவோம் தொடர் 14 முதல் 16வரை

 அனைவருக்கும் வணக்கம். 

இதழியல் பற்றி அனைவரும் அறிந்துகொள்வதற்கு வசதியாக தினமும் தொடராக

 நுகர்வோர் அறிக்கை வாட்ஸ்அப் குழுவில் கடந்த 2024நவம்பர் 2 ஆம் தேதி முதல் பதிவிட்டு வருகின்றேன்.அதன் நகலை கொங்குத்தென்றல் வலைப்பக்கத்தில் பகிர்ந்து வருகிறேன்.அந்த வகையில் 

                      இங்கு தொடர் 14 முதல் 16வரை பகிர்ந்துள்ளேன்.தவறுகள் இருப்பின் சுட்டிக்காட்டி பிழைதிருத்த உதவுங்க.....

15-11-2024

இதழியல் அறிவோம் -தொடர் 14

                  ஒவ்வொரு ஆண்டும் அரசு செய்தி அச்சுத்தாள் ஒதுக்கீட்டுக் கொள்கையை அறிவிக்கிறது. இதழ்களை வெளியிடுவோர் அரசின் கட்டுப்பாட்டுவிலையில் அச்சுக் காகிதம் பெற குறிப்பிட்ட படிவத்தில் எழுதி இந்தியாவின் செய்தித்தாள்களின் பதிவாளருக்கு விண்ணப்பித்து குறைந்தவிலையில் காகிதம் பெறலாம்.

  ஆண்டறிக்கையும் சோதனையும்...

                      ஒவ்வொரு பதிப்பாளரும் அவர் வெளியிடும் ஒவ்வொரு செய்தித்தாள் பற்றிய ஆண்டுவிவரங்களை பத்திரிகைப் பதிவாளருக்கு அனுப்ப வேண்டும்.

                ஆண்டுவிவரங்களை குறிப்பிட்ட காலத்திற்குள் அனுப்பாமல் விட்டால் 1867 ஆம் ஆண்டின் பத்திரிகை, புத்தகங்களின் பதிவுச்சட்டத்தின் 19K பிரிவின்படி தண்டனை வழங்குவதற்காக நடவடிக்கை எடுக்கலாம்.

சோதனைமுறை...

                     பத்திரிகை,புத்தகங்களின் பதிவுச் சட்டத்தின் 19F பிரிவின்படி பத்திரிகைப் பதிவாளரோ, அல்லது அவர் அதிகாரமளிக்கும் பதிவுபெற்ற அலுவலரோ எந்த இதழின் அலுவலகத்திற்கும் சென்று இதழ் வெளியீடு பற்றிய விவரங்களை சரிபார்க்க உரிமை உண்டு. சுற்றிலிருக்கும் இதழ்களின் எண்ணிக்கையில் சோதனையிடும்பணியை திறமையாகச் செய்வதற்காக வடக்கு மண்டலத்திற்கு புதுடெல்லியிலும்,தெற்கு மண்டலத்திற்கு சென்னையிலும், மேற்கு மண்டலத்திற்கு பம்பாயிலும், கிழக்கு மண்டலத்திற்குக் கொல்கத்தாவிலும் என நான்கு மண்டலங்களாகப் பிரித்து செயல்படுகின்றனர்.

ஒரு இதழைத் தொடங்குவதைப் போன்றே நிறுத்துவதாக இருந்தாலும் மாவட்ட நீதிபதியிடம் இதழ் வெளியீட்டாளரும், அச்சிடுபவரும் அதற்குரிய விண்ணப்பத்தில் எழுதி தரவேண்டும்.இல்லையேல் இது தண்டனைக்குரிய குற்றம் ஆகும்.

16-11-2024

இதழியல் அறிவோம்.

தொடர்: 15.

செய்தித்தாள் நிர்வாக அமைப்பு.

வார இதழ்களிலும்,சிறிய நாளிதழ்களிலும் பொதுவாக இரண்டு பிரிவுகள் இருக்கின்றன.

(1) அலுவலகம். (2) பணிப் பிரிவு.

நடுத்தர,பெரிய நாளிதழ்களில் பொதுவாக  மூன்று பிரிவுகள் இருக்கின்றன.அவை

(1) வாணிபப் பகுதி, (2) இயந்திரப் பகுதி, (3) ஆசிரியர் பகுதி.

நன்கு வளர்ச்சி பெற்ற பெரிய செய்தித் தாள்களில் ஆறு பிரிவுகள் இருக்கின்றன.அவைகளுக்கு 

பொதுமேலாளர் ஒருவர் இருப்பார்.

பொதுமேலாளரின் நேரடிப்பார்வையில் (1) ஆசிரியப் பிரிவு, (2) வாணிபப் பிரிவு, (3) இயந்திரப் பிரிவு, (4) வளர்ச்சிப் பிரிவு, (5) புள்ளிவிவரப் பிரிவு, (6) நிர்வாகப் பிரிவு ஆகிய ஆறு பிரிவுகள் செயல்படுகின்றன.இவைகளில்,

ஆசிரியப் பிரிவுக்குக் கீழ் (1) செய்தி அறை,(2) படி எடுக்கும் பகுதி, (3) தலையங்கப் பகுதி, (4)படப் பகுதி, (6) நூலகம். ஆகிய ஆறு அலுவலகங்களும்,

வாணிபப் பிரிவுக்குக் கீழ் (1) விளம்பரப் பகுதி, (2)விற்பனைப் பகுதி, (3) கணக்குப் பகுதி ஆகிய மூன்று அலுவலகங்களும், இயந்திரப் பிரிவுக்குக் கீழ் (1)தட்டச்சு அச்சிடும் பகுதி, (2) அமைப்புப் பகுதி, (3) படங்களைப் பதிப்பிக்கும் பகுதி, (4) அச்சிடும் பகுதி, (5) திருத்தும் பகுதி என ஐந்து அலுவலகங்களும் செயல்படுகின்றன.இனி வருகின்ற தொடர்களில் 

"செய்திகள்" என்ற முக்கிய பகுதியில்  - சேகரித்தல் மற்றும் எழுதுதல்.

செய்தியாளர் வகைகள்,செய்தியாளர் பணிகளும் பொறுப்புகளும், செய்தியாளரின் பண்புகள், செய்தியாளரின் கருவிகள், செய்தியாளருக்குரிய அடிப்படை விதிகள், செய்திகளாவது எவையெவை?, செய்தியின் இயல்புகள்,செய்தியின் வகைகள்,உள்ளடக்கங்கள்,செய்தி திரட்டும் முறைகள், என  விவரமாக அறிவோம்.

17-11-2024

இதழியல் அறிவோம் - 16

                                 ஒரு நாளிதழ் உருவாகி வெளிவர இதுவரை குறிப்பிட்டவாறு எத்தனையோ நடைமுறைகளைத் தாண்டி வாசகர்களின் கையில் தவழ்கிறது. 

இவ்வாறு வெளிவரும் இதழ்களின் நாடி நரம்புகளாக விளங்குபவர்கள் செய்தியாளர்களே.இவர்களை நிருபர் என்றும்,ரிப்போர்ட்டர் என்றும் அழைக்கப்படுகின்றன.பொதுமக்களை அடிக்கடி சந்திக்கும் வாய்ப்புள்ளவர்களாதலால் பொதுமக்களிடம் மிகுந்த மரியாதை பெற்றவர்களாகத் திகழ்கின்றனர்.அதேவேளை வெளியிடும் செய்திகளைப் பொறுத்து மக்களின் கோபங்களுக்கு ஆளாவதுடன் தாக்குதலுக்கும் ஆளாகின்றனர்.

                  ஒருகாலத்தில் செய்தியாளர்களின் பெயர்களை இதழ்கள் வெளியிடுவதில்லை.இப்பொழுது பெரிய நாளிதழ்களே முக்கியமான செய்திகளுடன் அந்த செய்தியை எழுதிய செய்தியாளருடைய பெயரையும் வெளியிடுகின்றன.

செய்தியாளர்கள் - விளக்கம்.

ஒரு செய்தித்தாளின் பெருமையும்,நம்பிக்கையும் அதனுடைய செய்தியாளர்களையே பெரிதும் சார்ந்துள்ளது.செய்தியாளர்கள்தான் ஒரு செய்தித்தாளுக்கு வாழ்வளிக்கும் குருதி போன்றவர்கள். இதழியலின் இதயமாக விளங்கும் செய்தியாளர்கள் தம் பொறுப்புணர்ந்து செயல்பட வேண்டும்.

                             எல்லோரும் ஏதாவது ஒரு செய்தியினைப் பெற்று மற்றவர்களுக்கு பரப்பிக் கொண்டிருக்கலாம்.அதற்காக அவர்கள் எல்லோருமே செய்தியாளர்களாவதில்லை. ஒரு செய்தியாளர் பரப்புகின்ற செய்திகளை வாசிக்கும் வாசகர்களின் எண்ணிக்கை, தருகின்ற செய்தியின் பயன்பாடு மற்றும் சுவை, செய்தியாளராக செய்யும் தொழிலின் அறிவு,செய்முறை,நோக்கம் ஆகியவற்றால் மற்றவர்களிடமிருந்து வேறுபடுகிறார்.செய்தியாளர் மற்றவர்களைப் போன்று சாதாரணமனிதர் என்றாலும் செய்தியாளராகிய தொழிலைச் செய்கின்றபோது சகலகலா வல்லவராக பணியாற்ற வேண்டியுள்ளது.சிறந்த செய்தியாளர் வரலாறு படைத்திருக்கின்றனர்.உயிரை துச்சமாக எண்ணி துணிச்சலுடன் ஆபத்தான இடங்களில் களமிறங்கி புலனாய்வு செய்து பல செய்திகளை வெளிக்கொண்ட வந்து மக்களிடம் பரப்பியுள்ளனர்.அதனால்தாங்க ஓர் அறிவார்ந்த ஆசிரியரைவிட அறிவார்ந்த செய்தியாளர் மிகவும் மதிப்புடையவர் என்கின்றனர்.

தொடரும்...