27 ஜூன் 2013

consumer protection and road safety organisation - CPARS.ORG



      மரியாதைக்குரிய நண்பர்களே,வணக்கம். 
  பொது மக்கள் நலன் கருதி புதியதாக துவங்கப்பட்டுள்ள''consumer protection and road safety organisation - Tamil nadu. Regd.no=26 / 2013 {CPARS.ORG}
        


            சங்கத்தின் பெயர் தமிழக அரசு பதிவுத்துறையில் முறைப்படி  தமிழில், 
        ''நுகர்வோர் பாதுகாப்பு மற்றும் சாலை பாதுகாப்பு சங்கம்             -தமிழ்நாடு.பதிவு எண் 26 / 2013. 
            என்று பதிவு செய்யப்பட்டுள்ளது. இருப்பினும் நமது  பேச்சு வழக்கிற்காக ஆங்கில மொழியாக்கத்தின் பெயரின் முதல் எழுத்துக்களை ஒருங்கிணைத்து -(CPARS.ORG) ''சிபர்ஸ் ஆர்க்'' என்ற சுருக்கப்பெயரிலும் இனி அழைக்கலாம்.என சங்க நிர்வாகிகள் தெரிவித்துள்ளனர்.

                     ''சிபர்ஸ்ஆர்க்'' - சங்கமானது பொதுமக்களின் இயக்கமாக வலுப்பெற்று விளங்க மக்களுக்கு ''நுகர்வோர் பாதுகாப்பு கல்வி மற்றும்சாலை பாதுகாப்பு கல்வி'' கொடுத்து நம்பிக்கையான பொது நலச்சேவை இயக்கமாக செயல்படுத்த  அனைத்து உறுப்பினர்களும் கடுமையான உழைப்பினைக்கொடுக்க உள்ளனர். அனைவரையும் பாராட்டுவோம்..வாங்க!.......விரிவான தகவல்களைப்பெற ''சிபர்ஸ் ஆர்க்'' -இன் வலைப்பக்கமான  ''http://www.consumerandroad.blogspot.com"      சென்று அடிக்கடி பார்வையிடுங்கள்.
                          நன்றி.

22 ஜூன் 2013

தமிழ் இணைய வானொலி நிலையங்கள் பட்டியல்

 மரியாதைக்குரிய நண்பர்களே,வணக்கம்.
  கொங்குத்தென்றல் வலைப்பக்கத்திற்கு தங்களை இனிதே வரவேற்கிறேன். மன மகிழ்வு பெற இதோ தங்களுக்கு இணைய தமிழ் வானொலி பட்டியல்கள் விபரம்.நான் பெறும் இன்பம் தாங்களும் பெற அன்புடன் விரும்புகிறேன்.இவற்றில் நான் A9Radio மட்டுமே விரும்பி கேட்கிறேன்.அடுத்த ரேடியோ கேட்க செல்கிறேன்.ஆனால் இதற்கே மீண்டும் திரும்பி விடுகிறேன். இதுதான் கவர்ச்சி என்பார்களோ!?!...
 அனைவரின் கவனத்திற்கு;-இந்த இணைய வானொலிகளை ஒரே தளத்தில் காண,தேர்வு செய்து கேட்டு ரசிக்க,www.tamilradios.com வலைத்தளம் செல்லுங்கள்.மிக நன்றாக உள்ள வலைத்தளம் இதுவாகும்.



                       (1)A9radio  (2) Aaha FM  (3)Agaram Tamil Radio (4) Akaram FM   (5)Alai FM  (6) Aruthra FM  (7)ATBC FM   (8)BBC Tamil FM    (9)Chennai FM  Rainbow     (10)CMR Radio    (11)CTBC Radio    (12)Deepam FM   (13) Dj Siran FM  (14) EBC Tamil Radio    (15)Endrum Tamil FB FM    (16)ETR Radio   (17) Friends TamilChat FM   (18) Foxx FM   (19) Geetham FM   (20)Geethavani FM  (21) Global Tamil Radio     (22)GTBC FM    (23) Hello FM 106.4    (24)Hello FM 89.5    (25)Dubai FM    (26) Hi2 FM Radio   (27)  IBC Tamil UK FM     (28) ILC Tamil FM   (29)  ITR FM Radio      (30)Isaithai FM      (31)Isaiyaruvi FM    (32) Jei FM    (32)  Jey FM  (33)Kadhal FM  (34) Kalasam FM    (35) Katrey FM Radio   (36) Lankasri FM   (37) Muthal Radio    (38) NTC Radio FM    (39) Olisg FM      (40)Onex FM          (41) Open TamilRadio  (42)Paris Tamil FM   (43)  Puradsi FM     (44)Planet Radio City     (45)Radiomanna FM     (46) Radio Mirchi Tamil FM   (47) Radiospathy FM    (48)Rathee FM   (49) Retham FM    (50) Sahana FM               (51)Shakthi FM    (52)Shyamradio    (53) Sivan Kovil Bakthi FM     (54)  Shaivam Radio     (55)  Sruthi FM      (56)Sudar FM    (57) Summa FM    (58)  Suryan FM    (59) Tamil2 FM    (60) Tamil2world       (61)Tamilaruvi FM      (62)Tamilar Kural FM     (63) Tamil CNN FM    (64)  Tamil Flash FM     (65) Tamil Islam FM      (66)Tamil Kuyil Radio    (67)  Tamil Mantram FM    (68)  Tamil Mazhai FM    (69) Tamil Mellisai FM      (70)Tamil Mp3 Plus FM       (71) Tamil Nila FM     (72) Tamil On Air Radio     (73) Tamil Rise Radio      (74)Tamil Star FM   (75) Tamilwire Radio     (76) Thaimann FM     (77) Thambura FM     (78)Tharangamedia FM     (79) Thamil Muzhakkam FM   (80) Thamizhamutham FM    (81) Thamizh Sun FM   (82) Thenral World Radio   (83)  TRT Tamil Oli     (84) TTR Live FM   (85) Ungal Radio    (86)  Vaakai FM  (87)  Vanakkam Radio    (88)Vanavil FM    (89) Vanni FM    (90)Vegam Tamil Radio   (91)  Vetri FM    (92)zurich sivankovil(bakthi malarkal) (93)velicham fm-tamil (94)Twinstarz live tamil radio (95thisai fm (96)Tamil sweet fm (97)Idayam fm (Devaprasannam - Tamil christian radio (98)tamil sweet radio (99)cornwall youth radio (100) zajil muslim radio  (101)viduthalai fm (102)Thutthi christian fm (103)thozha fm (104)tamil - christian radio (105)first Audio (106)kirubai christian radio (107)Harris jayaraj hits (108)ARRahman radio.
என்றும் உங்களுக்காக அன்பன் 
                                    C.பரமேஸ்வரன் (சிபிசாரதி)
                                 செயலாளர்,
                                நுகர்வோர் பாதுகாப்பு மற்றும் சாலை பாதுகாப்பு சங்கம்-
                                    தமிழ்நாடு,
                                  பதிவு எண் =26 / 2013












02 ஜூன் 2013

கக்கன் -என்பவர் யார்?



  மரியாதைக்குரிய நண்பர்களே,வணக்கம்.
                      கொங்குத்தென்றல் வலைப்பக்கத்திற்கு தங்களை இனிதே வரவேற்கிறேன். இது இன்றைய தலைமுறையினருக்கான நினைவூட்டும் பதிவுங்க.

..



      

         காலம் முற்றாக மறந்துவிட்ட பெயர். மதுரை மேலூர் வட்டத்தில் தும்பைப்பட்டி என்ற சிற்றூரில் தாழ்த்தப்பட்ட குடும்பத்தில் கக்கன் பிறந்து நூறாண்டாகிறது. பனித்துளியை விடவும் பரிசுத்தமான மனிதர் கக்கன். பூசாரி கக்கன் என்ற தோட்டிக்கு மகனாகப் பிறந்து, வறுமையில் உழன்று, பெரும்பாடுகளுக்கிடையே பள்ளி இறுதிவகுப்பு வரை படித்து முடித்துப் பொதுவாழ்வில் ஈடுபட்ட புனிதர் அவர்.
           சத்தியமூர்த்தி காமராஜரை தழுவிக் கொண்டதுபோல், மதுரை வைத்தியநாத ஐயர் கக்கனை வளர்ப்பு மகனாக அரவணைத்துக் கொண்டார். மாசுமருவற்ற தோழர் ஜீவாவின் தலைமையில் தான் கக்கனின் திருமணம் நடந்தது.  
     காந்தி 1934-ல் மதுரை வந்தபோது அவருக்குத் தொண்டாற்றும் வாய்ப்பு கக்கனுக்கு வந்து சேர்ந்தது. காங்கிரஸ் நடத்திய போராட்டங்களில் தீவிரமாகப் பங்கேற்ற கக்கன் 1942 ஆகஸ்ட் புரட்சியின் போது மேலூர் காவல் நிலையத்தில் சிறை வைக்கப்பட்டு 5 நாட்கள் கடுமையான கசையடிக்குள்ளானார்.  
    சுயநினைவு இழந்தவரை குதிரை வண்டியில் பாதம் வைக்கும் இடத்தில் கிடத்தி, தலையும் கால்களும் தொங்கிய நிலையில் இழுத்துச் சென்றதைப் பார்த்தவர்கள் விழிநீர் சிந்தினர்.
காமராஜருக்கு உண்மையும், நேர்மையும், இளமையும் நிறைந்த கக்கனிடம் பெருமதிப்பிருந்தது. தான் முதலமைச்சராக ராஜாஜிக்கு பின் பொறுப்பேற்றதும், காமராஜர் கக்கனைத் தமிழ்நாடு காங்கிரஸின் தலைவராக்கினார். தமிழ்நாடு கங்கிரஸின் தலைவராகப் பணியாற்றிய தாழ்த்தப்பட்ட இனத்தின் முதல் மனிதர் கக்கன்
       1957-ல் காமராஜர் மீண்டும் முதல்வரானதும் கக்கனுக்கு அமைச்சரைவையில் இடம் கொடுத்தார். தமிழகத்தில் 10 ஆண்டுகள் தொடர்ந்து அமைச்சராக இருந்த கக்கன் பொதுப்பணி, உள்துறை, விவசாயம், உணவு, மதுவிலக்கு, அரசின நலம், அறநிலையத்துறை போன்ற பல்வேறு இலாக்காக்களை நிர்வாகித்தார்.  
        இவருக்குப் பின் எந்த தாழ்த்தப்பட்ட இனத்தைச் சேர்ந்த அமைச்சரும் திராவிடக் கட்சிகளின் ஆட்சியில் உள்துறை, பொதுப் பணித்துறை போன்ற முக்கியமான இலாக்காக்களின் பொறுப்பை ஏற்றதில்லை.
               பத்தாண்டுகள் மிக முக்கியத் துறைகளின் அமைச்சராக இருந்த கக்கன் 1967 - தேர்தலில் தோற்ற பின்பு சொந்தக் கூரை கூட இல்லாத பரம ஏழையாகப் பேருந்தில் நின்றபடி பயணித்தார். விடுதலைப் போராட்டத் தியாகத்துக்காக அவருக்குத் தனியாமங்கலம் என்ற கிராமத்தில் தரப்பட்ட நிலத்தை, வினோபாவின் நிலக்கொடை இயக்கத்தில் ஒப்படைத்தார்.  
        முடக்கு நோயால் பாதிக்கப்பட்டவர் கோட்டக்கல் சித்த மருத்துவமனையில் சேர்க்கப்படார். மருத்துவமனையில் பணம் செலுத்த முடியாத நிலையில் நோய் தீராமலே அங்கிருந்து விடை பெற்றார்.
             மதுரை அரசு மருத்துவமனையில் சேர்க்கப்பட்டு சாதாரண வகுப்பில் அவர் சிகிச்சை பெற்றபோது, மதுரை முத்துவை நலம் விசாரிக்க வந்த முதல்வர் எம்.ஜி.ஆர்., காளிமுத்துவின் மூலம் செய்தியறிந்து கக்கனைபோய்ப் பார்த்தவர் அதிர்ந்து போனார்.  
        உடம்பில் ஒரு துண்டு மட்டும் போர்த்திக் கொண்டு, முக்கால் நிர்வாண நிலையில் இருந்த கக்கனைக் கண்டு கலங்கி நின்ற எம்.ஜி.ஆர். சிறப்பு வார்டுக்கு மாற்ற உத்தரவிட்டபோது, ‘ வேண்டாம் என்று மறுத்து விட்டார். ‘உங்களுக்கு நான் என்ன உதவி செய்ய வேண்டும் என்று கேட்ட எம்.ஜி.ஆரிடம், ‘நீங்கள் பார்க்க வந்ததே மகிழ்ச்சி என்று கைகூப்பினார் கக்கன்.
              மனிதப் புனிதர் கக்கன் நாடாளுமன்ற உறுப்பினாராக இருந்த போதும், தன் மனைவி சொர்ணம் தொடக்கப்பள்ளி ஆசிரியையாகத் தொடர்ந்து பணியாற்றுவதையே விரும்பினார். வலிமை மிக்க, அமைச்சராக அவர் வலம் வந்தபோது தன் மகள் கஸ்தூரிபாயை மாநகராட்சிப் பள்ளியில் தான் படிக்கச் செய்தார்.  
            தன் தம்பி விஸ்வநாதனுக்கு தாழ்த்தப்பட்டோர் நலத்துறை இயக்குநர் லயோலா கல்லூரிக்கு அருகில் ஒரு கிரவுண்ட் மனையை ஒதுக்கீடு செய்து அரசாணையை அளித்த செய்தியறிந்த கக்கன், அந்த ஆணையை வாங்கிக் கிழித்தெறிந்தார்.
                          இன்று அந்த இடம் 50 லட்சத்துக்கு மேல் பெறும். எளிமையின் வடிவமாக நேர்மையின் விளக்கமாக நம்மிடையே வாழ்ந்து மறைந்த கக்கன் உடல் கண்ணம்மாபேட்டையில் டிசம்பர் 24, 1981 அன்று எரியூட்டப்பட்டது. அவருக்குத் தனியாக ஒரு சமாதி வைக்கவில்லை நாம். ‘இன்று கக்கனை யார் நினைக்கிறார்கள்? அவர் செய்த ஒரே பாவம் தாழ்த்தப்பட்டோர் காலத்தில்.. அதுவும் தோட்டி மகனாகப் பிறந்ததுதான். பார்த்தால் பாவம், தொட்டால் தீட்டு என்னும் வர்ணாசிரம அகராதியில் அவர் ஆழக்குழி தோண்டிப் புதைக்கப்பட்டார். பத்தரை மாற்றுத் தங்கம்புடம்போட்ட கக்கனை விட உயர்ந்தவர்கள் தமிழகத்தில் இதுவரை எவருமில்லை. இனியும் பிறக்கப் போவதும் இல்லை. இது சத்தியம்!.
               இவர் போன்றே டாக்டர் அம்பேத்கார் அவர்களது வாழ்க்கைச்சூழலும்.டாக்டர் அம்பேத்கார் அவர்கள் மத்தியபிரதேசம் மாநிலம் அம்பேவாதே என்னும் கிராமத்தில் மகர் என்னும் பழங்குடி இனத்தைச்சேர்ந்த மாலோஜி சக்பால் மற்றும் பீமாபாய் ஆகியோருக்கு பதினான்காவது குழந்தையாக ஏப்ரல் மாதம் 14-ந்தேதி 1891-ஆம் ஆண்டு  பிறந்தார்.தீண்டாமைக்கொடுமை மற்றும் வறுமைநிலைக்கிடையில் ஒரு பிராமண வகுப்பை சேர்ந்த ஆசிரியரான மகாதேவ அம்பேத்கார் என்பவரின் ஆதரவில் படித்து முன்னேறினார்.பின்னர் ஒரு பதிவில் விரிவாக படிக்கலாம்.நன்றிங்க.
  பதிவேற்றம்;-
       சிபிசாரதி
நுகர்வோர் நலன் மற்றும் சாலை பாதுகாப்பு இயக்கம். 
தமிழ்நாடு-இந்தியா

முனைவர்.இரா.கா.மாணிக்கம் M.A.,M.Phil.,Ph.D., அவர்களது வாழ்க்கைக்குறிப்பு... (Dr.R.K.Manikkam, professor,Writer)

                                                                                                        முனைவர். இரா.கா.மாணிக்கம் M.A.,M.Phi...